Kanada M’yanma citäkçelegen xökem itärgä çaqırdı

Kanada parlamentı arakanlı möselmannarğa qarşı êşlängän cinayät’lärne “genośid” bularaq bäyäläde

Kanada M’yanma citäkçelegen xökem itärgä çaqırdı

Kanada parlamentı M’yanmada arakanlı möselmannarğa qarşı êşlängän cinayät’lärne “genośid” bularaq bäyälägän qanun proyektın berdäm tawış belän qabul itte. Xalıq ışanıçlıları BMO İminlek şurasınnan bu mäs’äläne Xalıqara cinayät’lär mäxkämäsenä citkerüne taläp itte.  

Kanada tışqı êşlär ministrı Kristina Frilend qarar uñaylanğannan soñ belderü yasadı. “Möselmannarğa qarşı êşlängän cinayät’lärneñ faciğale häm qotoçqıç buluın assızıqlarğa telim. Arakanğa ğadellek kiterü öçen xalıqara tırışlıq quyabız, bügen qabul itelgän dokument bu yünäleştä möhim êtap,”-dide ul.

Berläşkän Millätlär oyışmasınıñ tikşerenü komissiyäse uzğan sişämbedä M’yanma ğaskärläre häm fanatik buddistlarnıñ arakanlı möselmannarnı genośidqa duçar itüen dälillär belän isbatlağan xisap çığardı, cawaplılarnı xökem itärgä çaqırdı. Xisapta bu keşelekkä qarşı cinayät’lärneñ töp ğayeplese dip M’yanma qorallı köçläre kürsätelä.  



Bäyläneşle xäbärlär