Greśiyädä möhacirlär faciğase

Sıyınuçı lager’larında üz-üzlärenä qul salu oçraqları artqan

Greśiyädä möhacirlär faciğase

Greśiyäneñ Lesbos utrawındağı lager’da naçaq yäşäw şartları säbäple sıyınuçılarnıñ ruxi sälamätlekläre qaqşağan. Xätta balalar arasında da üz-üzen üterü yäki üzenä zarar birü omtılışları bula.

“Çik belmäwçe tabiblar” oyışması tarafınnan yasalğan belderüdä utrawdağı Moria lagerendä tiyeşennän 3 tapqır kübräk keşe yäşäwe äytelä. Tabiblar anı tiz arada buşatırğa çaqıra. Çönki sıyınuçılar arasında aqıl zäğıyf’lege oçraqları härwaqıttağıdan kübräk.

Belderüdä: “Fevral’dän başlap iyün’ ayına qadär 6-18 yäş’lek balalar arasında uzdırılğan ruxi sälamätlek törkem êçşänleklärendä “Çik belmäwçe tabiblar” törkeme balalarnıñ yaqınça dürttän bereneñ üzenä zarar birüen, üz-üzen üterergä omtılış yasawın yäisä monı uylawın açıqladı,”-diyelä.

Belderüdä “Çik belmäwçe tabiblar” oyışması sälamätlek koordinatorı Deklan Barrinıñ da bäyälämäläre urın alğan. “Suğış noqtalarınnan kilgän balalar Awrupada tärbiyä alu häm iminlek belän täêmin itelü urınına, tuqtawsız qurqu, stress, censi dähşätkä duçar bulalar,”-dide ul.  

Belderüdä sälamätlek häm gigiyena şartları da tänqıyt’länä. Lager’da kizü xastalıqları yoqtıru qurqınıçınıñ da yuğarı buluına basım yasıylar.

Greśiyäneñ Tön’yaq Êgey vilayäte idaräse Moria lagerendağı şartlarnıñ sälamätlek häm tirä-yaq moxit öçen zararlı buluın belderep Migraśiyä säyäsäte ministrlığına möräcäğat’ itkän ide. Anda wäzğıyät’ üzgärmäsä lager’nı 30 kön êçendä yabarğa kiräklege xaqında da kisätelde.

İldä 20 meñnän artıq sıyınu taläbe näticälären kötüce möhacir bar. Alarnıñ kübese utrawlardağı lager’larda. Greśiyä xökümäte sıyınuçı taşqının kimetü öçen alarnı äkrenläp kontinentqa küçerüne däwam itä.  



Bäyläneşle xäbärlär