Puêrto-Rikoda 3 meñ keşe ülüenä Trampnıñ cawabı

Tramp Mariya ğarasatında ülüçelärneñ sanı 3 meñgä citüne - üzeneñ imidjın bozarğa mataşu dip farazlıy

Puêrto-Rikoda 3 meñ keşe ülüenä Trampnıñ cawabı

Amerika Quşma Ştatları ilbaşı Donal’d Tramp uzğan yıl Mariya ğarasatı näticäsendä Puêrto-Rikoda 3 meñ keşeneñ ülüe turındağı belderüne üzenä qarşı süz berläşü bularaq bäyäläde.   

Ul hälakät töbägenä säfär yasawın xäterlätep: “Annan kitkändä ülüçelär sanı 6 belän 18 arasında ide. San soñınnan bik artmadı. Küpme waqıt ütkäç berkönne ülüçelär xaqında 3 meñ şikelle yuğarı sannar birä başladılar,”-dide.

Monıñ ul üzen naçar lider itep kürsätergä telägän demokratlarnıñ êşe buluın farazlıy. Anıñ fikerençä, qartlıq şikelle tabiğıy säbäplär belän ğomere özelüçelärne dä ğarasatta ülüçe itep kürsätälär. Tramp demokratlarnı üze xaqında naçar imidj yasarğa mataşuda ğayepläde.

Puêrto-Rikoda 2017nçe yılda bulğan Mariya ğarasatı näticäsendä ülüçelär xaqında uzğan ay räsmi sannar iğ’lan itelde. Karib diñgezendä soñğı 90 yılda kürelgän iñ köçle ğarasatta yaqınça 3 meñ keşeneñ ülüen belderälär.



Bäyläneşle xäbärlär