Nemeś katolik çirkäwendä skandal

3 men 677 bala häm yäşüsmerneñ censi bäylänülärgä duçar buluı açıqlandı

Nemeś katolik çirkäwendä skandal

Nemeś kartolik çirkäwlärendä 1946nçı yıldan 2014nçe yılğa qadär 3 men 677 bala häm yäşüsmerneñ censi bäylänülärgä duçar buluı açıqlandı. Bu êşkä 1 meñ 670 din äheleneñ qatnaşı bar. Germaniyädäge ğıybadätxanälärdä bu qırın ğamällärneñ taralışı uylanğannan tağın da zur bulıp çıqtı.

“Der Spiegel” jurnalı xäbärenä qarağanda, Germaniyä yepiskopları oyışması Mannxaym, Xaydelberg häm Gissen üniversitetlarına balalarğa censi bäylänü turında tikşerenü ütkärergä quşqan. Anıñ qısalarında 27 yepiskoplıqtağı 38 meñnän artıq şäxsi dos’ye küzdän kiçerelä. Anıñ näticäläre 25nçe sentyabr’dä iğ’lan iteläçäk. Älegä qayber sannar ğına äytelde. Censi bäylänülärgä duçar buluçılarnıñ kübese ir bala. Älege waqıyğalar bulğan waqıtta alar, küp digändä, 13 yäşendä bulğan. Här altı oçraqnıñ berse - köçläw. Tikşerünüdä 1 meñ 670 ruxaninıñ qırın êşlärdä qatnaşuı açıqlandı.

Xisapnı äzerlägän belgeçlär dokumentqa kermiçä qalğan oçraqlarnıñ buluın da assızıqladı. Qayber dos’yelarda manipulyaśiyä yasaluınıñ açıq kürenüen belderälär. Ruxanilar östenä şik töşerüçe mondıy dokumentlar yuq itelgän bulırğa da mömkin.  

Dos’yelar psixiatriya, gerontologiyä häm kriminologiyä belgeçläre tarafınnan centekläp tikşerelgän. Alar beldergänçä, 566 din äheleneñ censi bäylänüläre säbäple çirkäw dairäsendä tikşerenü uzdırılğan, şularnıñ 4tän bere cäza birelmiçä tögällängän. Bik az oçraqta ğına ruxanilar dinnän yäisä çirkäwdän çitläşterelgän. Küp waqıt alarnı barı tik başqa ğıybadätxanägä küçergännär.  



Bäyläneşle xäbärlär