Zimbabveda vaba kizüe

Xastalıq başqalada qullanılğan açıq qoyıdağı sularğa kanalizaśiyä sularının ağuınnan soñ başlanğan

zimbabve kolera1.jpg

Zimbabve başqalası Xararedä vaba kizüennän ülüçelärneñ sanı 20gä citte. Sälamätlek saqlaw ministrı Obadio Moyo şähärdä ğadättän tış xäl iğ’lan itelüen belderde. Anıñ äytüençä, xastalıq başqalada qullanılğan açıq qoyıdağı sularğa kanalizaśiyä sularının ağuınnan soñ başlanğan. Vaba kizüe terkälgän töbäklärdä it häm balıq aşaw tıyılğan. Ülüçelär arasında ike uquçı da bulğanğa, qayber mäktäplär yalğa kitkän.  

Zimbabwe susız qalğan rayonnarnı çista su belän täêmin itü öçen BMOdan yärdäm soradı. İnde ozaq yıllar başqala Xarare xakimiyäte tırışlıqları şähärneñ qayber urınnarın çista su belän täêmin itüdä citärsez qala. Andağı xalıq ixtıyacın açıq qoyılar häm cir astı suları belän qanäğat’länderä.

Zimbabveda iñ zur vaba kizüe 2008nçe yılğı iq’tisadi krizis waqıtında buldı. Anda 40 meñ keşe xastalandı häm 4 meñnän artığı ülde.



Bäyläneşle xäbärlär