• Video galereyası

“Minem belän uyna, kesä telefonıñ belän tügel”

Germaniyäneñ Gamburg şähärendä balalar ğailälärenä häm ölkännärgä mäğ’näle kisätü çarası oyıştırdı

“Minem belän uyna, kesä telefonıñ belän tügel”

Germaniyäneñ Gamburg şähärendä balalar ğailälärenä häm ölkännärgä mäğ’näle kisätü çarası oyıştırdı.

İnternetta çıqqan xäbärlärgä qarağanda, çaranı 7 yäş’lek Êmil Rustige oyıştırğan. Anda äti-änilärneñ telefon belän bik mäşğul’ buluları tänqıyt’länä.

Balalar çara waqıtında qullarında ölkännärne kisätüçe “Minem belän uyna, kesä telefonıñ belän tügel”, “Oçış rejimı açıq, xäzer çirat mindä”, “Minem belän söyläş, telefon belän tügel”, “Balalarığızğa waqıt tabığız” dip yazılğan plakatlar tottı.

Çarada 150 bala qatnaştı. Äti-änilär isä bu rizasızlıq çarasın küzätte. Poliśiyä xezmätkärläre balalarnıñ tirä-yünendä iminlekne täêmin itte. Alar bu çaranı citdi qabul itülären belderde.

Demonstraśiyäne oyıştırğan 7 yäşendäge Êmil başqa balalarğa möräcäğat’ itep: “Monda qıçqırıp söyläşäbez, çönki äti-änilärebez bezne işetmi,”-dide. Ul ölkännärneñ här cirdä êkranğa töbälüen tänqıyt’läde. “Diñgezdä, basseynda, kibettä… Här cirdä telefon belän mataşasız,”-dip söyläde Êmil.



Bäyläneşle xäbärlär