• Video galereyası

Tramp belän Kim qabat oçraşaçaq

AQŞ ilbaşı Donal’d Tramp belän Tön’yaq Koreya liderı Kim Çen In arasında ikençe sammit planlaştırıla başlağan

Tramp belän Kim qabat oçraşaçaq

AQŞ ilbaşı Donal’d Tramp belän Tön’yaq Koreya liderı Kim Çen In arasında ikençe sammit planlaştırıla başlağan. Bu xaqta Aq Yort süzçese Sara Sanders belderde. Ul, şulay uq, Trampnıñ Tön’yaq Koreya liderınnan xat aluın, anıñ “bik cılı häm uñay” bularaq bäyälänüen äytte.

Sanders beldergänçä, Kim üz xatınıñ êçtälegeneñ cämäğat’çelekkä citkerelüen telämi, şul säbäple Aq Saray anıñ neçkäleklären urtaqlaşmayaçaq.  

“Xatnıñ berençel maqsatı xäzerge waqıtta koordinaśiyälänüçe oçraşunıñ waqıtın açıqlaw,”-dide süzçe.

Sanders Tön’yaq Koreyada uzğan atna axırında oyıştırılğan Cömhüriyät tözelü köne qotlawların telgä alıp, anda ayıruça grajdanlılar häm iq’tisadi qalqınuğa basım yasaluın “yaxşı niyät kürsätkeçe” bularaq bäyäläde.  Anın fikerençä, Tramp Tön’yaq Koreya belän bäyle säyäsätendä zur uñışqa ireşte, xat mönäsäbätlärneñ alğa kitüen kürsätüçe dälil.   

Tön’yaq Koreyada êlek Cömhüriyät tözelü köne qotlawlarında awır qoral häm xärbi köç kürsätelä ide. Bıyılğı tantanada isä berniçä tank häm atlawşı ğaskärlär genä bar ide.

Tramp belän Kim 12nçe iyün’dä Singapurda oçraştı. Sammittan soñ 2 lider Tön’yaq Koreyanıñ atom-töş qorallardan çistartıluı mäs’äläsendä kileşügä bardı.

Ämma aldağı atnalarda ike däwlät arasında diplomatiyä mönäsäbätläre bozıla başladı. AQŞ tarafı Tön’yaq Koreyanı atom-töş programmasınnan baş tartmawda ğayepläde.



Bäyläneşle xäbärlär