Navaz Şärifneñ xatını ülde

Ul Angliyä başqalası Londondağı Xarley Strit xastaxanäsendä ber yıldır yaman şeştän däwalana ide

Navaz Şärifneñ xatını ülde

Paqıstannıñ törmädäge êlekkege xökümät räise Navaz Şärifneñ xatını Bägüm Gölsem Navaz wafat buldı. Ul Angliyä başqalası Londondağı Xarley Strit xastaxanäsendä ber yıldır yaman şeştän däwalana ide. Bu xaqta Navaz Şärifneñ ênese Şahbaz Şärif xäbär itte.  

Kiçä tönlä Gölsem xanımnı, yöräge häm üpkäsendä qıyınlıqlar tuğaç, reanimaśiyägä salalar häm sulış apparatlarına totaştıralar. Anıñ xäle iyün’ ayında awırlaştı häm komağa kerde. Ul waqıtta ire Navaz Şärif häm qızı Mär’yäm Londonda ide. Alar üzlärenä bilgelängän törmä cäzasın ütü öçen Paqıstana qayttı häm ber könnän son Gölsem xanım añına kilde.

Alar Navaz Şärif belän 46 yıl êlek öyläneşkän, 4 balaları bar. Bägüm Gölsem Navaz tüntäreleş näticäsendä bärep töşerelgän iren irekkä çığaru öçen kampaniya başlağan ide.

Navaznı comğa könne Paqıstanda cirläyäçäklär. İren häm qızın cenazada qatnaşu öçen 5 säğat’kä törmädän çığaraçaqlar.



Bäyläneşle xäbärlär