Braziliyädä törmägä höcüm

Älege törmä ildäge iñ yuğarı saq çaraları belän täêmin itelgännärdän sanala

Braziliyädä törmägä höcüm

Braziliyädä törmägä yasalğan höcümdä 1 poliśiyä xezmätkäreneñ ğomere özelde.

Cirle mediyadağı xäbärlärgä qarağanda,  waqıyğa Paraiba töbägendäge Romeu Gonsalves Abrantes törmäsendä bula.  Ob’yektqa awır qorallı 20 keşe höcüm itä. İminlek saqçıları belän bäreleş kilep çığa häm ber poliśiyä xezmätkäreneñ ğomere özelä.  

Höcüm waqıtında törmäneñ alğı yağın hawağa oçıralar. 105 mäxküm şunnan çığıp qaça. Alarnıñ 41en ozaq ta ütmi êläkterälär. Başqaların êzläw däwam itä.

Älege törmä ildäge iñ yuğarı saq çaraları belän täêmin itelgännärdän sanala.



Bäyläneşle xäbärlär