Melaniya Trampnıñ änise häm ätise AQŞ watandaşı buldı

Viktor häm Amaliya Knavs N’yu-Yorkta uzğan tantanada ant itep watandaşlıq aldı

Melaniya Trampnıñ änise häm ätise AQŞ watandaşı buldı

AQŞ ilbaşı Donal’d Trampnıñ xatını Melaniya Trampnıñ änise häm ätise çın amerikalı buldı. Viktor häm Amaliya Knavs N’yu-Yorkta uzğan tantanada ant itep watandaşlıq aldı. Alar ikese dä 70tän uzğan, pensiyädä. Melaniyäneñ ätise Viktor - Donal’d Tramptan 2 yäş’kä genä zur, 74 yäşendä.

Knavslar Sloveniyadan kilgän möhacirlär. Ata keşe - êlekkege avtodiler, xatını - tuqıma fabrikası xezmätkäre.  Mona qadär alar ildä “yäşel karta” dip yörtelüçe dokument belän daimi rezident bularaq yäşägän. Älege parnıñ advokatları süzenä qarağanda, Knavslar watandaşlıq öçen dokumentlarnı şäxsän tapşırğan häm bernindi östenleklärdän dä faydalanmağan.  Süz uñayınnan, ilbaşı Donal’d Tramp idaräse tizdän qanunlı migrantlar öçen “yäşel karta” yäisä watandaşlıq alu êşen qatlawlandırırğa cıyına.



Bäyläneşle xäbärlär