Franśiyädä êş taşlawnıñ bäyäse

Êş taşlaw dulqını Franśiyägä qıymmätkä töşte.

Franśuz timer yullarında 22nçe mart belän 28nçe iyün’ arasında bulğan êş taşlawlar ilgä 790 million yevro zarar kiterde.

Franśiya ilbaşı Êmmanuêl’ Makronnıñ üzgäreş säyäsätenä qarşı çığuçı timer yulı êşçeläre başlağan çara soñğı 30 yılnıñ iñ ozaq barğan êş taşlawı bularaq terkälde. Annan här kön 4 million yarım yulçı zarar kürde.

Timer yulı êşçeläre başlağan rizasızlıq qısqa waqıttan soñ xezmätkärlärneñ, studentlarnıñ, xätta pensionerlarnıñ teläktäşlege belän massaküläm baş kütärügä äylände.

Başqala Parijdan başlap ilneñ här tarafında Franśiya xalqı mäydannarğa çıqtı, uramnarnı suğış qırına äwerelderde.

Franśiya iminlek köçläre rizasızlıq belderüçelärgä qırıs räweştä qarşılıq kürsätte.