Franśiya belän Rusiyädän Süriyägä gumanitar yärdäm

Franśiya belän Rusiyä Süriyädä urtaq gumanitar yärdäm proyektı tormışqa aşıraçaq. Ul Könçığış Gutadağı ğadi xalıqnıñ ixtıyaclarına cawap birügä yünältelgän bulaçaq. Berençe çiratta, Süriyä ğaräp Qızılayı tarafınnan idarä itelüçe xastaxanälärdäge aşığıç yärdäm xezmätlärenä bulışlıq kürsäteläçäk.  

Yelisey Sarayınnan yasalğan yazma belderüdä bu kileşüneñ Franśiya ilbaşı Êmmanuêl’ Makron häm Rusiyä däwlät başlığı Vladimir Putinnıñ 24nçe mayda Sankt-Peterburgta oçraşuları belän bäyle buluı äytelä. Anda, bu qısalarda, töbäktäge awıru häm yaralı keşelärgä daru cibäreläçäge assızıqlana.

Kileşü buyınça, Rusiyä yärdämnären Süriyägä hawa yulı belän cibäräçäk. Konvoy, urınğa barıp citkännän soñ, Berläşkän Millätlär oyışması qararları häm xalıqara qağıydälär qısalarında qarşı alınaçaq.   

Belderüdä Franśiya belän Rusiyäneñ Süriyädä qurqınıçsız häm däwamlı säyäsi çişeleş öçen şartlar tudıru mäs’äläsendä tırışlıq quyuları äytelä.