Yaponiyada su basularda ülüçelärneñ sanı arttı

Xirosima, Okayama häm Êxime şähärlärendä 70 meñnän artıq qotqaru xezmätkäre êşçänlegen däwam itä

Yaponiyada su basularda ülüçelärneñ sanı arttı

Yaponiyadağı su basu häm cir ubılularda ülüçelärneñ sanı 195kä citte. Bu xaqta ilneñ poliśiyä xezmätennän belderdelär. Yuğalğan 60 keşene äle xaman êzlilär. Ülüçelärneñ sanı artırğa mömkin buluın söylilär. Xirosima, Okayama häm Êxime şähärlärendä 70 meñnän artıq qotqaru xezmätkäre êşçänlegen däwam itä. Xäzerge waqıtta sıyınu urınnarında yaqınça 6 meñ 700 keşe bar.   

İldäge 19 töbäktä 5,9 million keşe öçen êvakuaśiyäläw qararı çığarıldı.

Xökümät räise Sindzo Abê, tabiğıy qaza säbäple, Awrupa häm Yaqın Könçığışqa räsmi säfären kiçekterde.  



Bäyläneşle xäbärlär