Simez poliśiyä xezmätkärlären qualar

Hindstannıñ Karnataka töbägendä simez poliśiyä xezmätkärlärenä yabığu şartı quyğannar

Simez poliśiyä xezmätkärlären qualar

Hindstannıñ Karnataka töbägendä simez poliśiyä xezmätkärlärenä yabığu şartı quyğannar. Yuqsa êştän quılaçaqlar. BBC xäbärenä qarağanda, Karnataka poliśiyä bülege mödire Bxaskar Rao xezmätkärläreneñ kiloları artuına borçıla. Sonğı 18 ayda simezlekkä bäyle xastalıqlar säbäple 100dän artıq tärtip saqçısınıñn ğomere özelgän.

Rao beldergänçä, anıñ qul astında 14 meñ poliśiyä xezmätkäre bar. “Bülektägelär zur çaralarda tärtip saqlaw tışında, baş kütärü häm dähşätle waqıyğalarda da xezmät quya. Şul säbäple, simez bulğannarnı açıqlap, alarğa yabığu öçen diyeta häm sport programması bilgelärgä qarar qıldıq,”-di mödir.  

Artıq kilolı poliśiyä xezmätkärlären yabıqtıru 6 ay êlek başlanğan. Qağıydä bozuçılarnıñ kileşüläre “tuñdırıla” häm alarğa êşlären yuğaltu qurqınıçı yanıy.

Bülektägelärgä tabiblar täq’dim itkän diyeta tışında yoga, yözü şikelle sport törläre belän şöğıl’länü dä kiñäş itelä.  



Bäyläneşle xäbärlär