Marokkodan İspaniyägä bala taşuçılar êläkte

Awrupa berlege poliśiya oyışması (Yevropol) Marokko belän İspaniya arasındağı diñgez yulınnan Awrupağa balalar iltüçe ber oyışqan cinayät’çel törkemgä qarşı operaśiyädä 28 keşene totqarlağan.  Alarnıñ yaqınça 100dän artıq balanı törle transport häm xätär yullar belän Awrupağa taşuları xäbär itelä. Här bala öçen 2 meñnän başlap 8 meñ yevroğa qadär aqça alğannar. Alarnı İspaniyada poliśiyägä birep, yätim buluların belderälär. Soñınnan balalar maxsus yortlarğa urnaştırıla häm ildä yäşärgä röxsät birüçe dokumentlar xäzerlänä başlıy.

Operaśiya barışında totqarlanğan 28 şöbhäleneñ öylärendä küp sanda yalğan dokument, êlektronık cihazlar häm telefon qulğa töşerelgän.