Äfganstanda intixar höcüme

Höcümdä 14 keşeneñ ğomere özelgän, 45 keşe yaralanğan

Äfganstanda intixar höcüme

 

Äfganstanda utnı tuqtatu iğ’lan itelgännän soñ Taliban belän iminlek köçläre ber-bersen bäyräm belän qotlağanda intixar höcüme yasalğan.

 Höcümdä 14 keşeneñ ğomere özelgän, 45 keşe yaralanğan.

Nangarhar vilayät’ idaräse süzçese Ataullah Hogyani intixar höcümçeseneñ bäyräm tantanası waqıtında östendäge bombanı şartlatuın beldergän.

 Höcümneñ cawaplılığın älegä üz östenä aluçı bulmağan.

Äfganstan däwlät başlığı Äşräf Gani 20 nçe iyün’gä qadär Talibanğa qarata waqıtlıça utnı tuqtatu iğ’lan itülären beldergän, Taliban da Ramazan bäyrämendä 3 könlek utnı tuqtatu qararı qabul itkän ide.  



Bäyläneşle xäbärlär