Atmosferada 4,6 milliard yıllıq tözeleş taşları tabıldı

Kük ğalimnäre Qoyaş sistemasınıñ başlanğıçında päyda bulğan kometalarda saqlanğan 4,6 milliard yäşendäge tuzan börteklären taptı

Atmosferada 4,6 milliard yıllıq tözeleş taşları tabıldı

Cir atmosferasınıñ öske qatlawında Qoyaş sistemasınıñ tözeleş taşları bularaq xezmät itüçe 4,6 milliard yıllıq tuzan kisäkçekläre tabıldı. Gavayi universitetınnan tikşerenüçe Xoup İşii citäkçelegendäge törkem NASAnıñ stratosferada oçuçı caylanması belän cıyılğan ürnäklärneñ ximik komponentların Berkli laboratoriyäsendäge Kiñäytelgän yaqtılıq çığanağın qullanıp analizladı. Centekle tikşerenü näticäsendä kük ğalimnäre Qoyaş sistemasınıñ başlanğıçında päyda bulğan kometalarda saqlanğan 4,6 milliard yäşendäge tuzan börteklären taptı.  

Fän êşlekleläre atmosferanıñ öske qatlawınnan cıyılğan bu yoldız tuzannarınıñ metall häm sul’fidlar belän pıyalasıman kisäkçeklärdän toruın belderde. Bu tuzannarnı tikşerü Qoyaş sistemasınıñ barlıqqa kilüe häm yoldızlar belän planetalarnıñ tözeleş taşları xaqında şaqtıy ähämiyätle mäğ’lümatlarnı öyränergä mömkinlek biräçäk.



Bäyläneşle xäbärlär