Hollandiyadä protest çarası

Hollandiya başqalası Amsterdamda İzrail ğaskӓrilӓreneñ Ğazzӓ çigendӓ fӓlӓstinlelӓrgӓ qarata küplӓp üterüe protest itelde.

Hollandiyadӓge Fӓlӓstin komitetı waqıfı oyıştırğan hӓm törle ictimaği oyışmalar da xuplaw kürsӓtkӓn protest çarasında şaqtıy keşe qatnaştı.

Dam mӓydanında cıyılğan rizasızlıq belderüçelӓr Fӓlӓstin bayraqları belӓn “Fӓlӓstingӓ bӓysezlek” hӓm “Zur üzgӓreş yöreşe” dip yazılğan plakatlar kütӓrep, “Bӓysez Fӓlӓstin”, “Terrorçı İzrail, terrorçı Amerika” hӓm “Keşe üterüçe Netanyaxu” şiğarlӓren ӓytte.

Törkem soñınnan AQŞnıñ Amsterdamdağı konsullığına qadӓr bardı.

Hollandiyadӓge Fӓlӓstin komitetı waqıfı başlığı Robert Zoterink yasağan çığışında 14 may könne Ğazzӓ çigendӓ İzrail ğaskӓrilӓre başqarğan küplӓp üterüne xӓterlӓtep: “Bar dönyada İzrail wӓxşilegenӓ reakśiya belderelӓ, lӓkin tögӓl adım yasalmadı,” – dide.

Zoterink Hollandiya xökümӓteneñ Ğazzӓdӓge küplӓp üterügӓ qarağan bӓysez tikşerü talӓben dӓ qabul itmӓwen citkerde hӓm tübӓndӓgeçӓ dӓwam itte: “Monıñ kiresen uylap qarağız, yӓgni şaqtıy yӓhüd fӓlӓstinle snayperlar tarafınnan üterelsӓ, dönyanıñ hӓm Hollandiyaneñ reakśiyase nindi bulır mikӓn?”