• Video galereyası

İspaniyada İzrail’gä qarşı protest çaraları

Başqala Madridta häm Barselona şähärendä cıyılğan yözlärçä keşe İzrail’neñ fälästinlelärne üterüenä reakśiya kürsätte

İspaniyada İzrail’gä qarşı protest çaraları

İzrail’neñ Gazzädäge wäxşätenä qarşı dön’yanıñ törle noqtalarında rizasızlıq çaraları däwam itä. Germaniya, Pol’şa, Bel’giya, Şveśiya häm bik küp başqa illärdä ütkän mitinglarğa İspaniya da quşıldı. Başqala Madridta häm Barselona şähärendä cıyılğan yözlärçä keşe İzrail’neñ fälästinlelärne üterüenä reakśiya kürsätte.

Barselonada xalıq San-Jaume mäydanında cıyıldı, Madridta isä açulı törkem İzrail’ ilçelege qarşında tawışın kütärde. Çarağa Fälästin bayraqların kütärgän ğadi xalıq häm säyäsätçelär çıqtı. Alar İzrail’gä qarşı häm “Bäysez Fälästin” şiğar’lären qıçqırdı.    

Şul uq waqıtta Barselona xakimiyäte başlığı Ada Kolay sośial’ çeltär aşa İspaniya xökümäte räise Mariano Rajoyğa möräcäğat’ itep, İzrail’gä qoral satunı tuqtatırğa çaqırdı.



Bäyläneşle xäbärlär