Kosmonavtnıñ DNKsı üzgärgän

Amerikalı kosmonavt Skott Kellinıñ 1 yıl ğalämdä yäşägännän soñ DNKsı üzgärgän. Bu NASA ütkärgän tikşerülärdä bilgele bulğan.  Skott Kelli häm anıñ igezägeneñ DNKların çağıştırğannan soñ tuğannarnıñ genetik bularaq ber-berläreneñ sıñarı bulmawları açıqlana. Kosmonavtnıñ gennarınıñ 7%ı ğalämdä waqıtta üzgäreş kiçergän. Yäğ’nı xäzerge Skott Kelli êlekkegese belän genetik bularaq ber ük keşe tügel. Üzgärgän DNK tözeleşenä “ğaläm gennarı” iseme birelgän. Ul kosmonavtnıñ bioloğik üzençäleklärenä dä yoğıntı yasağan. Anıñ metabolizmı, immunitetı häm “küzänäk tözeleşe” ğalämgä säfärennän soñ üzgärgän. Moña kosmik radiaśiya häm säfärdäge kiyerenkelek säbäpçe dip farazlıylar. Bu tikşerü Marska säfärçelärne xäzerläw öçen ähämiyätle. Anda yulçılıq 3 yıl bulaçaq.