Şri-Lankada möselmannarğa höcümnär däwam itä

Şri-Lankanıñ Kandi töbägendä möselmannarğa höcüm itüdä şöbhäle 81 keşe qulğa alındı

Şri-Lankada möselmannarğa höcümnär däwam itä

Şri-Lankanıñ Kandi töbägendä möselmannarğa höcüm itüdä şöbhäle 81 keşe qulğa alındı. Alarnıñ 10sı sośial’ çeltärdä provakaśiyälär yasağan. 71e dähşätle waqıyğalarda qatnaşqan. İldä sişämbe könne ğadättän tış xäl iğ’lan itelgän ide. Aña qaramastan, Kandi töbägendä fanatik buddistlar möselmannarğa höcümnären däwam itä. Bügen dä öylärgä häm êş cirlärenä zarar birü oçraqları bulğan.

Xalıqara möselman ğalimnär berlege gomum särqatibe Ali Möxetdin Äl-Qaradaği Şri-Lanka xökümätenä möräcäğat’ itte. Ul möselmannarnı häm alarnıñ dini ireklären saqlarğa çaqırdı. Professor ägär bu cinayät’ ğamälläre tuqtatılmasa, kiläçäktä xaos çığaçağına basım yasadı. Ali Möxetdin Äl-Qaradaği ildäge waqıyğalarnı terrorçılıq dip atadı.      



Bäyläneşle xäbärlär