AQŞta qar burannarı

AQŞnıñ tön’yaq –könbatış ştatların köçle qar burannarı basıp alğan

AQŞta qar burannarı

AQŞnıñ tön’yaq –könbatış ştatların basıp alğan köçle qar burannarı säbäple 3 meñnän artıq oçqıç säfäre ğamäldän çığarılğan. Säğatenä 145 kilometr tizlektä isüçe cil küp kenä ağaçlarnı yıqqan, êlektr çıbıqların özgän. 100 meñnärçä öy häm êş cirläre qarañğılıqta häm suıqta qalğan. 

Buranlı ştatlar isemleğendä - N’yu-York, N’yu-Djersi, Massaçusets, Pensilvaniya, Konnektikut. Qayber şähärlärdä mäktäplär uqudan tuqtağan. N’yu-Djersi häm Pensilvaniyada ğadättän tış xäl iğ’lan itelgän. N’yu-Yorkta isä öylärendä ut bulmağaç, cılıtu häm yaqtırtu öçen generator êşlätep 10 keşe gaz isenä ağulanğan. Alarnı xastaxanägä iltälär.  



Bäyläneşle xäbärlär