• Video galereyası

Yawlıqlı qız yarıştan töşep qaldı

Franśiya telekanalında cır yarışına qatnaşqan yawlıqlı qıznı tapşırudan çığarğa mäcbür ittelär

Yawlıqlı qız yarıştan töşep qaldı

Franśiya telekanalında cır yarışına qatnaşıp jüri tarafınnan yuğarı bäyälängän 22 yäş’lek yawlıqlı qız Mennel İbtissem mäğ’lümat çaraları häm internet çeltärendä rasaçıl häm islamofob höcümnärgä duçar bulğan ide. Xäzer anıñ bu basımğa tüzä almıyça yarıştan çığuı xäbär itelä. Bu qararın ul Facebooktağı säxifäsendä yazğan. Mennel İbtissem soñ könnärdä bulğan waqıyğalardan bik täêsirlänüen beldergän. Yarışnı oyıştıruçılar: “İbtissemnıñ qararın xörmät itäbez”,- di. Tapşırudağılar qızğa sänğat’tä uñışlar teläde.

Şimbä kön yarışta Mennel İbtissem solıx häm keşeleklelek yağında buluın belderep  Leonard Koênnıñ “Alliluya” cırın ğaräp häm ingliz tellärendä başqarğan ide. Şunnan soñ yawlıq kigän qızğa cämäğat’çelektän höcümnär başlandı. Anıñ ğaräpçä cırlawına, şulay uq, êlegräk Fälästingä teläktäşlek belderep “Yılmay, Fälästin” cırın başqaruına bäyländelär. 



Bäyläneşle xäbärlär