“Fälästinle batır qız”nıñ maxkämäse küçerelde

İzrail xärbi mäxkämäse fälästinle qız Ahäd ät-Tämimineñ utırışın 2nçe tapkır küçerde. Bu qıznıñ ğailäseneñ teläge belän êşlänä. Ätise Basim ät-Tämimi beldergänçä, yaqlaw komitetı cinayät’ êşendäge ğayepläwlärne centekläp öyränü öçen 6nçı fevral’dä bulaçaq utırışnı 13enä küçerüne taläp itkän. Moña qadär ul 29nçı ğıynvardan 6nçı fevral’gä küçerelgän ide.

AQŞ prezidentı Donald Trampnıñ Kudüsne İzrail başqalası bularaq tanuı dön’yada qarşılıqlı fikerlärgä säbäp bulğan ide. Bu qararnı tänqıyt’läp uramğa çığuçılar arasında bulğan 16 yäş’lek Ahäd ät-Tämimine 19nçı dekabr’dä İzrail xärbiläre öyenä kilep qulğa alğan.

Qızı turında xäbär alu öçen nazärätkä kitkän änise Närimannı da İzrail ğaskärläre saq astına alğan.

“Fälästinle batır qız” iseme birelgän Ahäd 2012nçe yılda abıysı saq astına alınğanda İzrail ğaskärenä kürsätkän qarşılığı öçen İstandulda “Hanzalä qıyulıq büläge”nä layıq bulğan ide.