“BMO iranlılarnıñ tınıç maqsatlı cıyılu xoquqına,süz iregenä xörmät kürsätüne kötä”

Bu xaqta BMO beldergän

“BMO iranlılarnıñ tınıç maqsatlı cıyılu xoquqına,süz iregenä xörmät kürsätüne kötä”

 

Berläşkän Millätlär Oyışması İranda däwam itkän protest çaraları belän bäyle İran xalqınıñ tınıç maqsatlı cıyılu xoquqına häm süz iregenä xörmät kürsätü kiräklegen beldergän.

 BMO ğomum särqätibe süzçelärennän Farxan Xak könlek matbuğat oçraşuında ğomum särqätip Antonio Guterresnıñ İrandağı rizasızlıq belderü çaraların yaqınnan küzätep baruın, İran xökümäte yäisä başqaları belän êlemtä urnaştıru östendä êşläwen citkergän.

Xak Berläşkän Millätlär Oyışmasınıñ nindi tördäge êlemtälärneñ faydalı bulaçağın qarawın häm qırıslıq waqiğalarınıñ däwam itmäwenä ömetlänülären citkergän.

Xak :”BMO iranlılarnıñ tınıç maqsatlı cıyılu xoquqına häm süz iregenä xörmät kürsätüne kötä”,-dip beldergän.

İrandağı waqiğalar 28 nçe dekabr’dä ildä bäyälärneñ bik yuğarı buluı , êşsezlek häm korrupśiya problemalarına rizasızlıq belderü belän başlanıp kitkän ide.

Qısqa waqıtta rejimğa  rizasızlıq belderügä äwerelgän protestlar ilneñ şaqtıy şähärenä cäyelgän.

İl külämendäge waqiğalarda xäzergä qadär  20 dän kübräk keşeneñ ğomere özelgän, 500 dän kübräk protestçı qulğa alınğan.



Bäyläneşle xäbärlär