"Nazarbayevqa räxmätemne belderäm"

Bu turıda Vladimir Putin Nazarbayev belän söyläşüendä beldergän

"Nazarbayevqa räxmätemne belderäm"

Rusiyä ilbaşı Vladimir Putin Astana söyläşüläre yärdämendä Süriyä krizisına irtä çişeleş ixtimalınıñ barlıqqa kilüen belderep: “Qazaqstan däwlät başlığı Nursoltan Nazarbayevqa Astana söyläşülärenä kertkän öleşe öçen räxmätemne belderäm,” – digän.

Putin Rusiyäneñ Çelyabinsk şähärendä Qazaqstan ilbaşı Nursoltan Nazarbayev belän küreşep söyläşkän.

Qazaq lider belän centekle häm undırışlı söyläşü ütkärülären añlatqan Putin: “Rusiyä belän Qazaqstan arasındağı xezmättäşlekneñ möhim mäs’älälären tağın da üsterügä qarağan uñışlı söyläşü uzdırdıq,” – digän.

Qazaqstan belän Rusiyäneñ strategik partnerlar buluın assızıqlağan Putin: “Duslıq, yaxşı kürşelek, tiñlek häm ike yaqlı xörmät qısalarında mönäsäbätlärebez üsä bara. Astana söyläşüläre yärdämendä Süriyä krizisına irtä çişeleş ixtimalı barlıqqa kilde. Qazaqstan däwlät başlığına räxmätemne belderäm,” – digän.

Nazarbayev ta Çelyabinsk şähäreneñ üze öçen zur ähämiyätkä iyä buluına işarät itep: “Yäş’legemdä bu şähärgä yış kilä idem. Çelyabinskta ul waqıtta barmağan şirkät qalmadı. Bu töbäk barı tik Sovyetlar berlegeneñ genä tügel, ä bar dönyanıñ iñ möhim metallurgiya üzäklärennän berse,” – digän.



Bäyläneşle xäbärlär