İspaniyada katalonnar bäysezlek öçen yöregän

İspaniyanıñ Barselona qalasında meñnärçä keşe Kataloniyanıñ Milli bäyräme "Diada" könendä bäysezlek öçen çara ütkärgän

İspaniyada katalonnar bäysezlek öçen yöregän

İspaniya warislığı suğışınıñ axırında 1714nçe yılda Barselonanıñ ispannar tarafınnan ciñep alınuı häm töbäkneñ bäysezlegen yuğaltuınıñ yıllığın katalonnar “Diada” iseme belän milli kön bularaq iskä alğan.

Madrid xökümäte tıyğan bäysezlek referendumına öç atna qala köçlären kürsätü öçen Barselonada oçraşqan katalonnar tarixi waqiğanı (waqıyğanı) iskä töşerü öçen cirle waqıt belän säğät 17:14tä mäydannarda cıyılğan.

2012nçe yıldan birle bäysezlek taläplärenä säxnä bulğan “Diada” köne öçen bıyıl xalıq törkemnäre 1800 avtobus belän Barselonağa kitkän.

İspaniyanıñ iqtisadi problemaları häm ilneñ tön’yaq-könçığışındağı provinśiyasında yäşäwçe 7 million yarım katalon xalqınıñ ğomum il külämenä qarağanda töbäkneñ tağın da bay häm tağın da kübräk salım tüläwe qaraşı Madrid xökümätennän ayırulu fikeren quzğatqan ide.

Bel’giya zurlığında bulğan Kataloniya üz telenä häm mädäniyätenä iyä. Cirle citäkçelek mäğarif häm sälamätlek saqlaw kebek möhim tarmaqlarda üzäk xökümättän şaqtıy üzgä säyäsät alıp bara.



Bäyläneşle xäbärlär