BMOdan 4 il öçen qıtlıq kisätüe
Älege illär - Yämän,Somali, Nigeriyanıň tön’yağı häm Kön’yaq Sudan
787085
Berläşkän Millätlär Oyışması iminlek şurası Yämän,Somali, Nigeriyanıň tön’yağı häm Kön’yaq Sudanda bäreleşlär säbäbe belän 20 million keşegä qıtlıq yanawın beldergän.
Şurada 15 ilneň raslawı belän qabul itelgän beldergedä älege 4 ildäge bäreleşlärneň tınıç xalıqqa täêsirläreneň borcu tudıruı assızıqlanğan.
Beldergedä bu illärdä suğışuçı yaqlarnıň özleksez humanitar yärdäm ireşüenä röxsät birmäwläre , 20 million keşeneň dä bu säbäple qıtlıqqa duçar buluına basım yasalğan.
Yaqlar yärdämnärne totqarlamasqa häm tınıç xalıqnı saqlarğa çaqırılğan.
Beldergedä Berläşkän Millätlär Oyışması ğomum särqätibe Antonio Guterresnıň älege 4 ildä tınıç xalıqqa humanitar yärdäm ireşterüne totqarlaw mäs’äläsen çişü belän bäyle xisap äzerläwe dä soralğan.