Rejimnı xuplawçı köçlärgä bäyle konvoyğa ut açılğan

Konvoyğa AQŞ oçqıçları höcüm oyıştırğan

Rejimnı xuplawçı köçlärgä bäyle konvoyğa ut açılğan

Amerika Quşma Ştatları oçqıçları Süriyäneñ kön’yağında urnaşqan Äl Tanf töbäge yanında rejimnı xuplawçı köçlärgä bäyle konvoyğa ut açqan.

AQŞ citäkçelegendäge “DEAŞ” terror oyışmasına qarşı koaliśiya tarafınnan yasalğan yazulı açıqlawda: “Koaliśiya 18nçe may könne Süriyäneñ Äl Tanf töbägeneñ tön’yaq könçığışında Süriyä rejimın xuplawçı köçlärgä ut açtı. Bu adım kisätü utınnan soñ yasaldı,” – dip äytelgän.

Saqlanu ministrlığı Pentagonnan ber räsmi zat höcüm näticäläreneñ bäyälänüen beldergän, töbäktä AQŞnıñ 100 tiräse ğaskäriye buluın häm ozaq waqıt buyı töbäktä “DEAŞ” terror oyışmasına qarşı bulğan suğışçı berleklärgä belem birüen äytkän.

Amerikan mediasında urın alğan qayber xäbärlärdä rejimnı xuplawçı köçlärneñ 27 transport çarası belän Äl Tanf töbägenä 25 çaqrımğa kerüe belderelä.

Amerika Quşma Ştatları Ğiraq, Süriyä häm Yordaniya çikläre çatında urnaşqan Äl Tanf töbägendä oppoziśiyaçellär qulındağı ber xärbi şähärçektä “DEAŞ” terror oyışmasına qarşı çığuçı oppoziśiyaçel’ köçlärgä belem birä.

Uzğan aynı “DEAŞ”nıñ şähärçekkä höcüm oyıştıruı näticäsendä töbäktäge AQŞ ğaskäriläre oppoziśiya belän “DEAŞ” terror oyışması belän bäreleşkän ide.



Bäyläneşle xäbärlär