FBI mödire wazifasınnan alınğan
AQŞ ilbaşı Tramp Djeyms Komeynı wazifasınnan alğan
Amerika Quşma Ştatları däwlät başlığı Donal’d Tramp Federal’ tikşerü byurosı FBI mödire Djeyms Komeynı wazifasınnan alğan.
Aq Yorttan yasalğan açıqlawda Ğadälät ministrı Djef Seşns häm ministr urınbasarı Rod Rosenştaynnıñ kiñäşe belän Komeynıñ wazifasınnan alınuı belderelgän.
Tramp Komeynıñ wazifadan alınuına “oyışma belän citäkli ala almayacağın” nigeznamä itep kürsätkän.
Djeyms Komeynıñ isä wazifasınnan alınuın zäñgär êkrannardan öyränüe citkerelä.
Trampnıñ saylaw kampaniyalärenä Rusiyäneñ mönäsäbäten tikşergän FBInıñ êlekke mödire Komey Hilari Klintonnıñ êlektron poçta skandalı belän bäyle tikşerüen dä alıp barğan ide.
Ğadälät ministrlığı Komeynıñ Klintonnın êlektron poçta skandalı belän bäyle tikşerüne cämäğatçelek aldında bäxäsläşep, ministrlıknıñ prinśip häm prośeduralarına qarşı bulğan êşçänlek başqaruın belderä.
Uzğan atnada AQŞ Senatında senatorlarnıñ tikşerü belän bäyle sorawlarına cawap birgän Djeyms Komey 2013nçe yılnıñ sentyäbr’ ayında ul waqıttağı ilbaşı Obama tarafınnan bilgelängän ide.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde