Urta diňgezdӓ ike köymä batqan
Urta diňgezdӓ soňğı 5 ayda meň 150dӓn artıq qaçaq ülgӓn
Yaňa tormış ömete belӓn Liviyadan yulğa çıqqan qaçaqlar utırğan ike rezin köymӓ Urta diňgezdӓ batqan, 11 keşeneň mӓyete yar buyında tabılğan.
Berençe faciğa irtӓnge sӓğatlӓrdӓ barlıqqa kilgӓn.
Liviyadan 132 qaçaq belӓn yulğa çıqqan rezin köymӓ İtaliya yar buyına barıp citmiçӓ ӓylӓngӓn.
50 qaçaq qotqarılıp, Pozzallo yar buyına alıp barılğan.
Aralarında balalar da bulğan 82 keşe isӓ yuğalğan.
İkençe faciğa xӓbӓre Liviyaneň Zaviyӓ su kiňlegennӓn kilgӓn.
10ısı xatın-qız bulğan 11 keşeneň mӓyete yar buyında tabılğan, 100 keşedӓn xӓbӓr yuq.
Qaçaqlar üz tormışların qurqınıç astına quyıp, çıqqan sӓfӓrlӓr küpçelek naçar köymӓlӓr yӓisӓ rezin köymӓlӓr belӓn çınğa aşırıla.
Soňğı 3 köndӓ genӓ 6 meňnӓn artıq qaçaq qotqarılıp, İtaliyağa alıp barılğan.
Urta diňgezdӓ soňğı 5 ayda meň 150dӓn artıq qaçaq yaqtı dönyadan kitkӓn.
