Dönya matbuğatına küzӓtü 11.02.2019

Qayber çit il basmalarına küzätü

Dönya matbuğatına küzӓtü 11.02.2019

Angliyada basıluçı bӓysez ğarӓp gazetı “Alşark Alavsat” Soğud Ğaräbstanınıñ fӓlӓstinlelӓrneň xoquqların cirenӓ citkermӓwçe kileşülӓrne kire qağuların Vaşingtonğa belderüen yaza.

Qatarda kön kürüçe “Al-Raya Al-Katariya” gazetı İran qurqınıçına qarşı İzrailneň Baxreyn, Berlӓşkӓn Ğarӓp Ӓmerleklӓre hӓm Soğud Ğarӓbstanı belӓn yӓşeren mönӓsӓbӓtlӓr qoruın citkerӓ.

Berlӓşkӓn Ğarӓp Ӓmerleklӓrendӓ çığuçı “El-Emarat El-Yaum” gazetı beldergӓnçӓ Afrika illӓre tiz adımnar belӓn İzrail belӓn bulğan mönӓsӓbӓtlӓren cayğa salırğa tırışa.

Germaniyaneň “Şpigel’ Online” xӓbӓr sӓxifӓse Törkiyӓneň Qıtaynıň uyğırlarğa qarata sӓyӓsӓten tӓnqitlӓwen yaza.

Fokus Online internet sӓxifӓse Törkiyӓdӓ azıq-tölektӓ üzgӓreşlӓrneň küzӓtelüen belderӓ. Xӓbӓrgӓ kürӓ Ӓrdoğan xökümӓte cilӓk-cimeş hӓm yӓşelçӓneň xalıqqa turıdan satışına qarar birde.

İspaniyaneň “El Mundo” gazetı İspaniyada meňnӓrçӓ oppoziŝiyaçel’neň waqıtınnan alda saylaw talӓbe belӓn mӓydannarğa ağıluın yaza.

Argentinada kön kürüçe “Klarin” gazetı Nikolas Maduronıň Venesuêlada 15 fevral’ könenӓ qadӓr baraçaq xӓrbi künegülӓr başlatuın citkerӓ.

Rusiyӓneň Ria Novosti xӓbӓr agentlığı beldergӓnçӓ Rusiyӓ Federaŝiyaseneň Ӓnkaradağı ilçese Aleksey Yerxov 2018dӓ Rusiyӓ belӓn Törkiyӓ arasında sӓwdӓ külӓmeneñ 25 milliard 400 million dollarğa citkerelüen äytte.

Rusiyӓdӓ basıluçı “İzvestiya” gazetı “Security Radar 2019” anketa nӓticӓlӓrenӓ kürӓ Awrupada suğışnıň çığuınnan iň küp ruslar hӓm ukrainalılarnıň qurquın yaza.

Franŝiyaneň “Liberation” gazetı Parijda sarı jiletlılar protest çaralarında ber rizasızlıq belderüçeneň qulınıň özelüen citkerӓ.

Şul uq ildӓ kön kürüçe “Le Mond” gazetı Franŝiya belӓn İtaliya arasında kiyerenkelekneň qabat üsüen belderӓ.



Bäyläneşle xäbärlär