Dön'ya matbuğatına küzӓtü

Qayber çit il gazetlarına küzätü

Dön'ya matbuğatına küzӓtü

“Rusiyӓ awazı” radiosı Rusiyӓ tabiği gazın Qara diñgez hӓm Törkiyӓ aşa Awrupağa küçerӓçӓk Törek Ağımı tabiği gaz ütkӓrgeçe proyektınıñ diñgez töbennӓn uzuçı öleşeneñ 19 noyabrdӓ tӓmamlanaçağın citkerӓ.

Xӓbӓrgӓ kürӓ Törkiyä ilbaşı Räcäp Tayyip Ärdoğannıñ öy xucalığında İstanbulda oyıştırılaçaq açılış tantanasında Rusiyӓ Federaśiyase dӓwlӓt başlığı Vladimir Putin da qatnaşaçaq.

AQŞtağı Associated Press xӓbӓr agentlığı Tön'yaq Kipr Törek Cömhüriyäte dӓwlӓt başlığı Mostafa Akıncınıñ Könçığış Urta diñgez gazınıñ bazarlarğa ireşterelüe mӓs’ӓlӓsendӓ Törkiyӓneñ oçsız, tiz hӓm mantiqlı yünӓleş buluın belderüen xӓbӓr itӓ.

Katardağı “Al-Jazeera” televideniyesı Törkiyä ilbaşı Räcäp Tayyip Ärdoğannıñ Cӓmal Kaşıkçı cinayӓte belӓn bӓyle audio yazmalarnı sorağan barlıq illӓrgӓ tıñlatuların, Soğud Ğarӓbstanı küzlӓw rӓsmi zatınıñ alarnı tıñlağanda ğacӓpkӓ qaluın ӓytüen citkerӓ.

İrandağı Fars xӓbӓr agentlığı Törkiyӓneñ Qırğızstan qorallı köçlӓrenӓ yӓrdӓmnӓren ike tapqırğa arttıraçağın belderӓ. Törkiyӓ Qırğızstan qorallı köçlӓrenӓ mexanika, industrial’ cihazlar hӓm sӓlamӓtlek saqlaw materialları kebek kirӓk-yaraqlar hӓm matdi yӓrdӓm kürsӓtӓ.

Franśiyadӓge AFP xӓbӓr agentlığı beldergӓnçӓ Törkiyӓ xalıqara cӓmӓğatçelekneñ Liviyadӓge sӓyӓsi krizisnı beterü mӓs’ӓlӓsendӓ berlӓşӓ almawın belderde hӓm İtaliyadӓge Liviya konferenśiyasennӓn kitep bardı.

Awstriyadӓ basılıp çıqqan “Kronen Zeitung” gazetı xӓbӓrenӓ kürӓ Awrupada qayber intellektuallar Süriyӓdӓn yaqınça 3 million 600 meñ qaçaqnı qabul itkӓn hӓm qulınnan kilgӓnçӓ bu keşelӓrgӓ iğtibar kürsӓtüçe Törkiyӓgӓ rӓxmӓt belderergӓ kirӓklegen citkerӓ.

İrandağı İRNA xӓbӓr agentlığı Törkiyӓ tışqı êşlӓr ministrı Mӓwlüt Çavuşoğlunıñ Amerika Quşma Ştatları İranğa qarata qullanğan çikӓwlӓrgӓ qarşı buluların, monı döres kereşü bularaq kürmӓwlӓren belderüen citkerӓ.



Bäyläneşle xäbärlär