Dönya matbuğatına küzӓtü 12.10.2018

Qayber çit il basmalarına küzätü

Dönya matbuğatına küzӓtü 12.10.2018

“Rusiyӓ awazı” radiosı Törkiyӓneň Awrupa Berlegenӓ quşılu barışı belӓn bӓyle bularaq berlek ӓğzalӓrenӓ reakŝiya beldergӓn Törkiyӓ ilbaşı Ӓrdoğannıň tübӓndӓge süzlӓren citkerӓ: “Berlekkӓ kertӓsez ikӓn, ӓytegez, kertmisez ikӓn waqıtıbıznı almağız.”

Franŝiyaneň AFP xӓbӓr agentlığı Törkiyӓ ilbaşı Ӓrdoğannıň yuğalğan Soğud Ğarӓbstanlı jurnalist Cӓmal Kaşıkçınıň İstanbuldağı Soğud Ğarӓbstanı konsullığınnan çığuın isbatlawçı kamera yazmaların kürsӓtüe öçen Riyadka tağın ber tapqır basım yasawın hӓm Törkiyӓneň tawış-tınsız qalmayaçağın iskӓrtüen belderӓ.

Germaniyaneň DPA xӓbӓr agentlığı Törkiyӓ belӓn Soğud Ğarӓbstanınıň İstanbulda yuğalğan jurnalist waqiğasın bergӓ tikşerӓçӓgen xӓbӓr itӓ.

Xӓbӓrgӓ kürӓ Törkiyӓneň İlbaşı idarӓse süzçese İbrahim Qalın: “Urtaq êşçӓnlek törkeme qorılıp, waqiğa bar yaqlap yaqtırtılaçaq,” – dide.

Angliyaneň “Reuters” xӓbӓr agentlığı beldergӓnçӓ Törkiyӓ Saqlanu ministrlığı çӓrşӓmbe könne Rusiyӓ hӓm Törkiyӓ liderlarınıň uzğan ayda Soçidağı kileşüe qısalarında Süriyӓneň İdlib rayonında qoraldan arındırılğan töbӓkneň qorıluın hӓm awır qorallarnıň töbӓktӓn çigelüen açıqladı.

İrannıň rӓsmi xӓbӓr agentlığı İRNA xӓbӓr itüençӓ İran Törkiyӓ çigenӓ yaqın urnaşqan Maku şӓhӓrendӓ Törkiyӓ belӓn urtaq citeşterü sӓnӓgӓt töbӓgen qora.

AQŞnıň Associated Press xӓbӓr agentlığı beldergӓnçӓ Törkiyӓ tışqı êşlӓr ministrı Mӓwlüt Çavuşoğlu ileneň Ğiraqnıň Basra belӓn Musul şӓhӓrlӓrendӓge konsullıkların qabat açaçağın, kürşese belӓn iqtisadi hӓm sӓwdӓ mönӓsӓbӓtlӓren nığıtırğa tırışaçaqların açıqladı.

Azӓrbaycanda çığuçı “Xalıq” gazetı Törkiyӓ Böyek Millӓt Mӓclese başlığı Binali Yıldırımnıň: “Ӓrmӓnstan totrıqlılıq teli ikӓn, kürşe illӓr belӓn mönӓsӓbӓtlӓren yaxşırtırğa tiye,” – digӓn süzlӓren citkerӓ.



Bäyläneşle xäbärlär