Dön’ya matbuğatına küzätü 29.11.2017

Qayber çit il basmalarına küzätü

Dön’ya matbuğatına küzätü 29.11.2017

Rusiyä, “Sputnik” xäbär agentlığı: ““Törek ağımı” Törkiyäneñ qulın köçäytäçäk”

Rusiyä gazın Törkiyä aşa Awrupağa citkeräçäk “Törek ağımı” proyektı Törkiyäneñ ênergiya iminlegen arttıruı cähätennän möhim. Proyekt tormışqa aşırılğan çaqta Greśiya belän bergä Awrupa illäre ênergiya mäs’äläsendä Törkiyä belän bergä yaqın xezmättäşlek üsterergä tırışaçaq. Çönki yaqın waqıtta Greśiyanıñ gaznı Törkiyä aşa täêmin itüe turında süz barırğa mömkin. Belgeçlär ütkärgeç proyektınıñ Törkiyä-Awrupa säyäsi mönäsäbätlärendä totrıqlılıqqa da aradaşçı bulaçağın belderä.

 AQŞ, “CNN” xalıqara xäbär kanalı: “Dön’yanıñ isäple dayving-śentrlardan berse İskeşähärdä”

İskeşähärneñ Çiftälär ilçäsendä Sakarya yılğası tuğan çığanaqlarda barlıqqa kilgän tozsız su dayving mäydanı dönyanıñ isäple üzäkläre arasında. Sakaryabaşında şaqtıy sport çarası ütkärelä. Kübesençä su sportları yasalğan häm Törkiyäneñ iñ çista tozsız su dayvingları başqarılğan Sakaryabaşı barı tik Törkiyädäge qunaqlarnı qunaq itü belän genä çiklänmi. Dön’yanıñ törle illärennän qunaqlarnı da qabul itep tozsız su dayvingı yasalğan şuşı töbäk monıñ näticäsendä küp sanda turistnı üzenä cälep itä. Ayıruça töbäktä kanoê häm drakon sportlarınıñ yasaluı da başlandı. Su sportlarında şaqtıy çaranıñ ütkärelüe öçen Sakaryabaşı namzät bulıp tora.

 İran, “Farsı” xäbär agentlığı: ““Rizespor” häm “Perspolis” qardäş klub buldı”

Törkiyäneñ “Çaykur Rizespor” taqımı belän İrannıñ superliga komandası “Perspolis” arasında qardäşlek kileşüe imzalandı. İke klub monnan alda İran futbolçısı Mähdi Tarämi arqasında kileşmäwçänlek yäşägän ide. İke klub räsmiläre arasında uzdırılğan söyläşülärdän soñ ike taqım tuğandaş klub bulu qararına kilde. FIFA 2016-2017 sezonında “Rizespor” belän kileşü şartların ütämägän İran futbolçısına 4 ay uynamaw xökemen birgän, futbolçını küçergän İran törkeme “Persepolis”kä isä 2 çor buyı küçerüne tıyğan ide.

 AQŞ, “Turkish American” web portalı: “Jan-Klod Van Damm xäräkätne Törkiyägä küçerä”

Tanılğan Gollivud yoldızı Jan-Klod Van Damm üz isemen yörtäçäk fitness üzägeneñ urtaqlıq kileşüen tözü öçen İzmitkä kilde. Fitness üzäge açılaçaq rezidans tözeleşendä matbuğat oçraşuın ütkärgän Van Damm: "İzmitne, Kocaäline bik oşattım. İstanbulnıñ tirä-yağında mondıy matur urın buluın belmi idem. Törkiyädä buluımnan bik şatmın. Min sportnı bik yaratam. Härwaqıt güzäl fitness śentr sistemasın dönyağa kürsätergä teli idem. Global’ külämdäge proyekt bu. Berençe ürnäge İzmitta bulaçaq”, - dip äytte. Van Damm İstanbulda, İzmirdä häm Änkarada da sport üzäklären açaçaq.



Bäyläneşle xäbärlär