Dön’ya matbuğatına küzätü 29.11.2017

Qayber çit il basmalarına küzätü

Dön’ya matbuğatına küzätü 29.11.2017

AQŞ “Turkish American” web säxifäse: "Söyläşüneñ däwamın aldıbızdağı könnärdä ütkäräçäkbez”

İlbaşı Räcäp Tayyip Ärdoğan comğa könne telefonnan söyläşkän Amerika Quşma Ştatları İlbaşı Donal’d Tramp belän bu atnada tağın ber qat êlemtägä kerä alaçağın äytte. İlbaşı häm “Ğadälät wä qalqınu” partiyası ğomum başlığı Räcäp Tayyip Ärdoğan partiyasınıñ Törkiyä Böyek Millät Mäclesendäge törkem cıyılışında yasağan belderüendä comğa könne ütkärelgän söyläşü waqıtında “PKK” separatist terror oyışmasınıñ Süriyädäge däwamı “PYD/YPG”gä qoral yärdämen kürsätep yalğış yasawların qabul itüçe Tramp belän şuşı atna êçendä tağın ber märtäbä söyläşä alaçağın äytte.

İran “IRNA” xäbär agentlığı: "Canikli: Suriyädä 12 kontrol’ noqtasın buldıraçaqbız”

Millî saqlanu ministrı Nurettin Canikli Änkaranıñ Süriyä cirlärendä 12 kontrol’ noqtasın buldırunu maqsat itüen äytte. Canikli Angliyada matbuğat wäkillärenä yasağan belderüendä: “Xäzergä qadär Süriyä cirlärendä İdlibta barı tik öç kontrol’ häm küzätü noqtası qorıldı. Astana söyläşülärendä ireşelgän kileşügä kürä, bu noqtalarnıñ sanı 12gä citkereläçäk”, - dip äytte.

Rusiyä “Sputnik” web säxifäse: "OECD Törkiyäneñ üseş isäpläwen kütärde”

OECD iqtisadi xezmättäşlek häm qalqınu-üseş oyışması Törkiyä öçen üseş kötkänen 2017nçe yıl öçen 3,4%tan 6,1%qa, 2018nçe yıl öçen 3,5%tan 4,9%qa arttırdı. OECD Global’ iqtisadi küreneş xisabın bastırdı. Monıñ nigezendä OECD 2019nçı yılda Törkiyäneñ üseş isäpläwen 4,7% bularaq bilgeläde.

AQŞ “CNN” xalıqara xäbär kanalı: "Autizmlı törek qızınnan Budapeştta iskitkeç fortepiano konśertı”

Macarstan (Vengriya) başqalası Budapeştta 19 yäşendäge autizmlı törek qızı Bäril Zorlu fortepiano konśertın quydı. "Muzıka häm kirtäsez säyäxätem” isemle fortepiano konśertında dönyaküläm tanılğan çit il köy yazuçılarınıñ äsärlären başqarğan autizm belän awıruçı fortepiano sänğätçese Zorlu törek äsärlären dä uynadı. Tamaşaçılar zurlap alqışlağan Zorluğa konśert azağında İzmir autizm orkestrı häm xorı da quşıldı.



Bäyläneşle xäbärlär