Dönya matbuğatına küzӓtü 22.11.2017

Qayber çit il basmalarına küzätü

Dönya matbuğatına küzӓtü 22.11.2017

Azӓrbaycandağı APA xӓbӓr agentlığı Törkiyӓ ilbaşı Rӓcӓp Tayyip Ӓrdoğannıň Ğadӓlӓt hӓm qalqınu partyaseneň Törkiyӓ Böyek Millӓt Mӓclese törkem cıyılışında yasağan çığışında Amerika Quşma Ştatları töbӓktӓ alıp barğan sӓyӓsӓteneň yalğış buluı mӓs’ӓlӓsendӓge borçuların hӓrwaqıt belderülӓren ӓytüen yaza.

Xӓbӓrgӓ kürӓ Ӓrdoğan AQŞnıň çınında başqa probleması buluın ӓytep, tübӓndӓgelӓrne citkerde: “DEAŞ terror oyışmasın çistartuığıznı ӓytӓsez, lӓkin qoral töyӓlgӓn transport  çaraları haman da Süriyӓgӓ bara. Bu ni öçen dӓwam itӓ? Sez qaysı ilgӓ qarşı qorallanasız? Problemağız ikençe bez yaxşı belӓbez, aňa qarap adımnar yasayaçaqbız. Berkem dӓ bu sŝenariylar qarşında Törkiyӓneň êş başqarmawın uylamasın.”

İrandağı IRIB xӓbӓr agentlığınıň internettağı sӓxifӓsendӓ Rusiyӓ Ğomüm ştab başlığı Valeriy Gerasimovnıň Möxӓmmӓd Bakiri hӓm Hulusi Akar belӓn Soçida küreşep söylӓşüe xӓbӓre urın ala.

Xӓbӓrgӓ kürӓ taraflar cıyılışta Süriyӓdӓge tӓraqqıyӓtlӓr, qalğan terrorçı törkemnӓrneň yuqqa çığarıluı hӓm ayıruça kiyerenkelekne azaytu töbӓgendӓ koordinaŝiya dӓrӓcӓsen arttıraçaq çaralar belӓn Süriyӓdӓge krizisnıň sӓyӓsi çişeleşe mӓs’ӓlӓlӓren qaradı.

Xӓbӓrdӓn kürengӓnçӓ Rusiyӓ Saqlanu ministrlığınnan yasalğan açıqlawda Süriyӓneň İdlib töbӓgendӓge kiyerenkelekne azaytu töbӓgendӓ koordinaŝiya dӓrӓcӓseneň arttırıluı hӓm DEAŞ, Ӓl Nusra terror oyışmalarınnan qalğan terrorçılarnıň çistartıluı mӓs’ӓlӓlӓrendӓ kileşüneň tӓêmin itelüe açıqlandı.

AQŞtağı Turkish American internet sӓxifӓsendӓge xӓbӓrdӓ Törek hawa yullarınıň ğomüm mödire Bilal Ӓkşineň Törek hawa yullarınıň yök taşuda rekord quyuın ӓytüen citkerӓ.

Xӓbӓrgӓ kürӓ soŝial’ mediada açıqlaw yasağan Ӓkşi: “Bez dönyanıň yögen taşıybız,” – diyep, Berlӓşkӓn Ğarӓp Ӓmerleklӓrendӓ ikençe urınğa kütӓrelülӓren, Farsı qultığı illӓrendӓ isӓ hawada yök taşuda 3nçe urında buluların belderde.

Rusiyӓneň “Sputnik” xӓbӓr agentlığınıň internet sӓxifӓse “Törkiyӓgӓ berençe Emmy bülӓge” isemle xӓbӓrendӓ 60tan artıq ildӓ kürsӓtelüçe “Qara söyü” isemle serialnıň Xalıqara Emmy bülӓklӓrendӓ “Telenovela” kategoriyasendӓ “İň yaxşı icat” bülӓgen aluın yaza.

Xӓbӓrdӓn kürengӓnçӓ serial Amerika Quşma Ştatlarınnan tış illӓrdӓ kürsӓtelüçe seriallarğa birelüçe Xalıqara Emmy bülӓgen alğan berençe törek serialı bularaq Törkiyӓ televideniyese tarixına kerde.



Bäyläneşle xäbärlär