Dönya matbuğatına küzӓtü 25.10.2017

Qayber çit il basmalarına küzätü

833944
Dönya matbuğatına küzӓtü 25.10.2017

AQŞtağı Asoşieyted Press xӓbӓr agentlığı “Törkiyӓ İdlib operaŝiyasen tӓmamlawın açıqladı” isemle xӓbӓrendӓ Törkiyӓ ilbaşı Ӓrdoğannıň Süriyӓ İdlib qalasında kiyerenkelekne azaytu töbӓge planınıň zur ülçӓmdӓ tӓmamlanuın ӓytüen yaza.

Xӓbӓrgӓ kürӓ Mӓclestӓge xaqimiyӓt partiyase xalıq ışanıçlılarına mörӓcӓğat’ itkӓn Ӓrdoğan ikençe adımnıň separatist PKK terror oyışmasınıň Süriyӓdӓge törkeme PYD/YPGneň kontrolendӓ bulğan Afrin bula alacağın beldergӓn ilbaşı: “Aldıbızda Afrin mӓs’ӓlӓse bar. Kiregӓ yul yuq. Monnan alda ӓytkӓnebezçӓ ber tönne kilӓ alırbız,” – dide.

Greŝiyada basıluçı “Elefteros Tipos” gazetı “Kociastan Törkiyӓdӓ söylӓşülӓr” isemle yazmasında Greŝiya tışqı êşlӓr ministrı Nikos Kociasnıň düşӓmbe könne Törkiyӓgӓ kilüen citkerӓ.

Gazet yazuınça Törkiyӓ tışqı êşlӓr ministrı Mӓwlüt Çavuşoğlunıň çaqıruı belӓn çınğa aşırılğan sӓfӓrdӓ Kocias Törkiyӓ ilbaşı Ӓrdoğan belӓn küreşep söylӓşte. Soňğı itep Törkiyӓ premyer-ministrı Binali Yıldırım iyun’ ayında Gresiyağa barğan ide.

İrandağı “Parstoday” Radiosınıň internet sӓxifӓsendӓge “Ӓrdoğan Qatar tışqı êşlӓr ministrın qabul itte” isemle xӓbӓrendӓ Törkiyӓ ilbaşı Ӓrdoğannıň Qatar tışqı êşlӓr ministrı Şӓyex Möxӓmmӓd Bin Abdurrahman Ӓl Sanine İlbaşı kölliyӓtendӓ qabul itüen yaza.

Xӓbӓrgӓ kürӓ Mӓwlüt Çavuşoğlu da qatnaşqan söylӓşüdӓ ike il mönӓsӓbӓtlӓreneň üsterelüe mӓs’ӓlӓse qaraldı. Şul arada Törkiyӓ hӓm Qatar ministrlar dӓrӓcӓsendӓge strategik yuğarı komitetı utırışın da oyıştırdı.

Rusiyӓdӓ çığuçı “Nezavisimaya gazeta” Rusiyӓ Federaŝiyase Ênergetika ministrı Aleksandr Novaknıň “Törek Ağımı” tabiği gaz ütkӓrgeçe proyektınıň ike liniyasendӓ 370 çaqrımnan kübrӓgeneň tögӓllӓnüen belderüen citkerӓ.

Gazet yazuınça Novak tübӓndӓgeçӓ citkergӓn: “Qısqa waqıtta ciröstennӓn uzaçaq tranzit liniya mӓs’ӓlӓsendӓ kileşü tözelep, protokolnıň imzalanuı zarur. Xökümӓtlӓrara söylӓşüneň barışı öçen yünӓleş bilgelӓnde. 2019nçı yılnıň dekabr’ ayında êşçӓnleklӓrneň betüe kirӓk.”



Bäyläneşle xäbärlär