Dönya matbuğatına küzӓtü 04.10.2017

Qayber çit il basmalarına küzätü

Dönya matbuğatına küzӓtü 04.10.2017

Germaniya xӓbӓr agentlığı DPA Törkiyӓ ilbaşı Rӓcӓp Tayyip Ӓrdoğannıň Ğiraq körd regional’ citӓkçelegen 25nçe sentӓbr’ könne qanunsız referendum ütkӓrüe arqasında kisӓtüen citkerӓ.

Xӓbӓrdӓ Ӓrdoğannıň tübӓndӓge süzlӓre urın ala: “Ӓgӓr dӓ uylap êş başqarmasalar, tӓraqqıyӓtlӓrgӓ qarap adımnar yasawdan taypılmabız. Ğiraq körd regional’ citӓkçelegeneň qısqa waqıtta aqıllanuın ömet itӓbez.”

Rusiyӓdӓge “Ria Novosti” xӓbӓr agentlığı “Törkiyӓ İranğa qarağan çiklӓwlӓrgӓ qarşı çıqtı” isemle xӓbӓrendӓ Törkiyӓ tışqı êşlӓr ministrı Mӓwlüt Çavuşoğlunıň Ӓnkaranıň İranğa qarağan çiklӓw sӓyӓsӓtenӓ qarşı buluın belderüen xӓbӓr itӓ.

Xӓbӓrgӓ kürӓ ministr Çavuşoğlu tübӓndӓgeçӓ citkerde: “İrannı xaqsız bulğanda tӓnqitlibez, xaqlı bulğanda xuplıybız. Çiklӓw sӓyӓsӓte yalğış. Qayber illӓr yaratmağan hӓm yuqqa çığarırğa telӓgӓn İrannı oçmaqqa qıstıru zur xata. İran bezgӓ doşmanmeni?”

AQŞtağı AP xӓbӓr agentlığı Törkiyӓ Tışqı êşlӓr ministrlığı süzçese Xösӓyen Müftüoğlunıň Kataloniya üzidarӓle töbӓgendӓ 1nçe üktӓbr’ könne ütkӓrelgӓn qanunsız bӓysezlek referendumı belӓn bӓyle bularaq İspaniyaneň cir bötenlegenӓ xörmӓtneň ӓsas buluın ӓytep, ike tarafnıň da İspaniya qanunnarın bozmawnıň hӓm qırıslıqnı buldırmawnıň zur ӓhӓmiyӓtkӓ iyӓ buluın açıqlawın citkerӓ.

Xӓbӓrdӓn kürengӓnçӓ süzçe Müftüoğlu Törkiyӓneň İspaniyaneň mondıy qıyınlıqlarnı atlatacağına ışanuın ӓytte.

Üzbӓkstandağı “Cahon” xӓbӓr agentlığı “Üzbӓk-törek êş forumı” isemle xӓbӓrendӓ Üzbӓkstan dӓwlӓt investiŝiyalӓre komitetı belӓn İstanbul sӓwdӓ palatası xezmӓttӓşlegendӓ Taşkentta üzbӓk-törek êş forumınıň oyıştırıluın xӓbӓr itӓ.

Xӓbӓrgӓ kürӓ forumnıň açılışın Üzbӓkstan prem’yer-ministr urınbasarı Camşid Kuçkarov yasağan, İstanbul sӓwdӓ palatası başlığı İbrahim Çağlar belӓn Taşkenttağı Törkiyӓ ilçese Ӓxmӓt Başar Şӓn çığış yasadı.

Xӓbӓrdӓn kürengӓnçӓ taraflar êş forumında urtaq proyektlarnıň çınğa aşırıluı belӓn ber rӓttӓn törle ölkӓlӓrdӓ ike yaqlı mӓnfӓğatlӓrgӓ tayanuçı partnerlıknıň üsterelüe yulında yasalaçaq adımnarnı bӓyӓlӓde.



Bäyläneşle xäbärlär