Dön'ya matbuğatına küzätü 13.09.2017

Qayber çit il basmalarına küzätü

Dön'ya matbuğatına küzätü 13.09.2017

İrannıñ İRNA” agentlığı “Ärdoğan: “Törkiyä S-400 raketa sistemasın Rusiyädän alaçaq” isemle xäbärendä İlbaşı Räcäp Tayyip Ärdoğannıñ kileşügä qul quyılğannan häm barış tämamlanğannan soñ Törkiyäneñ S-400 raketa sistemasın Rusiyädän alaçağın belderüen citkerä:

“Qazaqstannan qaytqan çaqta jurnalistlarnıñ sorawlarına cawap birüçe İlbaşı Ärdoğan, Rusiyädän  “S-400”lärneñ alınuı öçen berençe kreditnıñ tülänüen assızıqlap: ““S- 400” raketalarınıñ satıluı häm tapşırıluı mäs’äläsendä kileşü täêmin itelde häm berençe öleşe tülände”, - dip äytte.”

Azärbaycannıñ “Trend” basması “Törkiyädän bik möhim Awrupa Berlege belderüe” dip atalğan yazmasında Törkiyäneñ Awrupa Berlegennän cawaplı ministrı häm baş söyläşüçe Ömär Çälikneñ oçraşular öçen kitkän Angliya başqalası Londonda yasağan çığışında çiktän tış törkemnärneñ iñ küp telägäneneñ möselman, dönyavi, demokratik xoquq däwlätenä iyä bulğan Törkiyä belän Awrupa Berlege mönäsäbätläreneñ özelüe bulaçağın äytüen yaza.

Amerika Quşma Ştatlarındağı “Turkish American Web” säxifäsendäge “THYdän Miamigä östämä säfär” isemle yazmasında Amerika Quşma Ştatlarında täêsirle bulğan Irma ğarasatı arqasında Törek hawa yullarınıñ yulçılarnıñ oçışlarınıñ aqsamawı öçen bügen östämä säfär yasayaçağın xäbär itä.

Rusiyäneñ “Sputnik” agentlığı “Gazprom” häm “Botaş” “Törek ağımı”n Awrupağa citkerü öçen urtaq kereşü urnaştıra” isemle xäbärendä “Gazprom” häm “Botaş”nıñ “Törek ağımı” tabiği gaz ütkärgeçeneñ Awrupağa citkereläçäk öleşeneñ tözeleşe öçen urtaq kereşü qoraçağın belderä:

““Gazprom”nan yasalğan belderüdä: "Urtaq kereşü Rusiyä häm Törkiyä arasında imzalanğan xökümätlärara kileşü qısalarında “Törek ağımı”nıñ ikençe êtabınıñ Törkiyä cirlärendä qalğan ciröste öleşeneñ salınuı öçen tözelä”, - dip äytelde.



Bäyläneşle xäbärlär