Dönya matbuğatına küzätü 09.08.2017

Qayber çit il basmalarına küzätü

Dönya matbuğatına küzätü 09.08.2017

Azärbaycannıñ “Trend” basması “Prem'yer-ministrı Yıldırım Ceenbekov belän oçraştı” isemle yazmasında Törkiyä Premyer-ministr Binali Yıldırımnıñ Qırğızstan xezmättäşe Sooronbay Ceenbekov belän Çankaya utarında uzdırğan oçraşuın yaqtırta:

“Söyläşü waqıtında Qırğızstandağı “Fätullahçı” (FETÖ/PDY) terror oyışması/parallel däwlät qorılışı barlığınıñ ike il arasındağı duslıqqa külägän töşermäw zarurlığı häm monıñ öçen Qırğızstan organnarınıñ kiräkle xezmättäşlek kürsätüe yünäleşendä kötelgännärgä basım yasaldı. Söyläşü barışında dus häm qardäş ike il mönäsäbätläreneñ törle yaqları häm regional’ täräqqiyätlär quzğatıldı. Söyläşüdä qırğız yağınıñ ike il arasındağı duslıqqa häm qardäşlekkä zıyan kiterelmäw öçen qullarınnan kilgänne yasayaçaqları belderelde.”

Amerika Quşma Ştatlarınıñ “Tyorkiş Amerikan” (“Turkish American”) web portalında dönya kürgän “AQŞtan “PKK/PYD” terror oyışmasına xärbi yärdäm däwam itä” isemle yazmada /Amerika Quşma Ştatlarınıñ Süriyädä “PKK/PYD” separatist terror oyışmasına “DEAŞ” belän köräş nigezlämäse belän xärbi yärdämnären däwam itterüe assızıqlana.

Rusiyäneñ “Sputnik” agentlığı “Rusiyä turistı Antaliya turizmın plyusqa äyländerde” dip atalğan yazmasında AKTOB Urta diñgez turistik qunaqxanälär häm êşxanälär berlege başlığı Ärkan Yağcınıñ ğinwar-iyül’ aralığında Antaliyada 2016nçı yılğa qarağanda xasil bulğan yaqınça 2 million turist artıqlığınıñ tulısınça Rusiyä çığanaqlı buluın äytüen citkerä.

Şul uq agentlıq “Törek qorallı köçlärennän Törkiyä-Qatar urtaq xärbi künegüläre belän bäyle belderü” isemle xäbärendä Törek qorallı köçläreneñ Törkiyä belän Qatar qorallı köçläre arasında 5nçe-7nçe avgustta “xezmättäşlek häm koordinaśiyanıñ qamilläşterelüe” maqsatınnan çığıp Qatarda ütkärelgän urtaq xärbi künegülärneñ uñışlı räweştä tämamlanuın belderüen yaza.

Amerika Quşma Ştatlarınıñ “Türkish American Web” basmasınıñ “Milli atlet 400 metr kirtädä isemen finalgä yazdırttı” dip atalğan yazmasında 16nçı Bötendönya atletizm çempionatında  milli atlet Yasmani Copellonıñ irlär arasında 400 metr kirtädä finalgä uzuın xäbär itä.



Bäyläneşle xäbärlär