Dön'ya matbuğatına küzätü 17.05.2017

Qayber çit il basmalarına küzätü

Dön'ya matbuğatına küzätü 17.05.2017

AQŞnıň “Associated Press” xäbär agentlığı “Tramp Törkiyä ilbaşın qabul itü belän ğorurlanuların citkerde” isemle xäbärendä Törkiyä ilbaşı Räcäp Tayyip Ärdoğannıň Vaşingtonda Amerika Quşma Ştatları ilbaşı Donal’d Tramp belän täwge tapqır küreşep söyläşüe turında yaza.

 Xäbärdän kürengänçä, Tramp Ärdoğannı qunaq itü belän ğorurlanuların assızıqladı. AQŞ ilbaşı soňğı yıllarda törek xalqına qarata yasalğan terror höcümnärenä qarşı yaqlawların citkerde.

 Ärdoğan isä Trampnı ilbaşı saylawında ciňüe belän qotladı. İlbaşı Ädoğan AQŞ häm Törkiyäneň Berläşkän Millätlär Oyışması ,NATO häm alğa kitkän illär belän üsep kilüçe illärdän toruçı G-20 dä dä bergä êşçänlek başqaruına basım yasadı.

Rusiya Federaŝiyäseneň “Ria Novosti” xäbär agentlığı “Germaniyanıň terror belän sınawı” isemle xäbärendä Törkiyä prem’yer-ministrı Binali Yıldırımnıň Germaniyanıň 15 nçe iyül’däge xain qanlı tüntäreleş kereşüendä qatnaşuçı terrorçılarnı yäisä Änkaranı saylawı kiräklege turında äytüen yaza.

Yıldırım Törkiyä belän Germaniya mönäsäbätläreneň Törkiyädä 16 nçı aprel’dä ütkärelgän  referendumnan êlek Germaniyanıň rasaçı ğamälläre arqasında kiyerenke tös aluın , amma soňınnan uňay yullamalar yasala başlawın , fäqät’ Germaniya räsmi zatlarınıň tüntäreleş  kereşüe belän bäyläneşle terrorçılarğa sıyınu röxsäte birü turındağı qararnıň mönäsäbätlärne qabat kiyerenke xälgä kiterügä säbäp buluın belderde.

Törkiyä prem’yer-ministrı Binali Yıldırım Germaniyanıñ Törkiyä belän mönäsäbätlären yaxşırtırğa teli ikän yünäleşen Törkiyä Cömhüriyätenä taba üzgärtüe kiräklegen assızıqladı.

Berläşkän Ğaräp Ämirlekläreneň “Äl Arabiya” televideniye kanalı “PKK” separatist terror oyışmasınıň Sincardağı barlığı qurqınıç” isemle xäbärendä Ğiraq körd regional’ citäkçelege prem’yer-ministrı Näçirvan Barzaninıň “Äl Arabiya” televideniye kanalına birgän interv’yusında “PKK” separatist terror oyışmasınıň Sincardağı barlığınıň töbäkneň totrıqsızlığın maqsat itep alğan adım buluı turında äytüen citkerä.

Barzani xäzerge waqıtta Bagdatta “PKK” ğa yaqlaw kürsätüçelär buluına basım yasadı. Barzani:”Ğiraq räsmi zatlarınıň terrorğa yaqlaw kürsätüçe säyäsätläreneň yalğış buluı turında uylıym. Bu säyäsätlär Törkiyä belän yaxşı kürşelär mönäsäbätenä turı kilmi häm İrannıň faydasına tügel”,-dide.

Germaniyanıň “Deutsche Welle”media oyışmasınıň “Zamança Yefäk yulı proyektına Awrupanıň qaraşı” isemle xäbärendä liderlarnıň Qıtaynıň Yefäk yulı proyektı belän bäyle Pekinda cıyıluı turında yaza.

Xäbärdän kürengänçä, Awrupa illäre proyektnı ğamälgä aşıru belän säwdä êşçänlekläreneň Aziyağa taba awışa aluına borçıla. Sammitta Törkiyä, Rusiya häm Qıtaynıň yaqınayuı da Awrupanıň iğtibar üzägendä.

 

 



Bäyläneşle xäbärlär