Dön’ya matbuğatın küzätü 10.05.2017

Germaniyadäge “Deutsche Welle” teleradiokompaniyase Törkiyäneñ ğadälät ministrı Bäkir Bozdağnın Amerikan xezmättäşe belän Vaşingtonda küreşep söyläşkändä Ğomüm ştab başlığı Hulusi Akar, Milli küzläw oyışması kiñäşçese Hakan Fidan häm İlbaşı idaräse süzçese İbrahim Qalınnıñ Aq Yortta söyläşülär ütkärüen citkerä.

Xäbärgä kürä tışqı êşlär ministrı Mäwlüt Çavuşoğlu belän AQŞ däwlät särqätibe Reks Tillerson da telefonnan söyläşte. Söyläşüdä Törkiyä ilbaşı Ärdoğannın kiläse atnada Amerika Quşma Ştatlarına yasayaçaq säfäre qaraldı häm Süriyädäge täraqqıyätlär belän astana barışı da bäyälände.

Xäbärdän kürengänçä Ärdoğan ğinwar ayında däwlät başlığı wazifasına qabul itep alğan Donal’d Tramp belän ütkäräçäk berençe söyläşüdä Fätullahçı terror oyışması/parallel’ däwlät qorılışı atamanının tapşırıluı, Süriyä, AQŞnın PYD/YPG terror oyışmasına yärdäme kebe kike yaqlı mönäsäbätlärdäge şaqtıy sizger mäs’äläneñ kön tärtibenä kilüe kötelä.

“Rusiyä awazı radiosı” Törkiyä ilbaşı Räcäp Tayyip Ärdoğannıñ Kuveyt Ämire äl Sabah belän bergä Kuveyt Xalıqara hawa mäydanına nigez salu tantanasında qatnaşuın belderä.

Xäbärgä kürä çığışında Törkiyä-Awrupa Berlege mönäsäbätlärenä tuqtalğan Ärdoğan tübändägeçä citkerde: “Awrupa Berlegenä quşılu barışı qazan qazan añlayışı belän däwam itäçäk.”

Xäbärdä Törkiyä ilbaşınıñ Awrupada İslam doşmanlığınıñ cäyelüenä iğtibarnı cälep itkändä artuçı çiktän tış uñçı awışlarnıñ Törkiyä-Awrupa Berlege mönäsäbätlärenä zıyan saluın açıqlawı urın ala.

Xäbärdän kürengänçä Awrupanı rasaçılıq häm İslamofobiya yağınnan tänqitlägän Ärdoğan: “Separatizm, mädani rasaçılıq, çit il keşelärenä qarata doşmanlıq häm İslam doşmanlığı kebek sośial’ xastalıqlar, qızğanıç qıtğada cäyelä bara,” – dide.

İtaliyada basılıp çığuçı “Korir dela Sera” gazetı Törkiyänen yäş xalıq sanınıñ xalıqara investorlar öçen dinamik êş rezervın täêmin itüçe iqtisadınıñ üzäk êlementı bulıp toruın yaza.

Gazet yazuınça yaqınça 80 millionlık xalıq sanınıñ yartısınnan kübese 30 yäştän keçkenä. Yägni Törkiyäneñ êş köçe Awrupa illäreneñ kübesennän zurraq.

Xäbärgä kürä Törkiyäneñ iqtisadı soñğı 10 yılda däwamlı sınawlarnı uzdı.