TRT TSR xaqında


TARİX

Törkiyädä radio aşa berençe çit ilgä tapşıru 1937 yılnıň 8 nçe ğinwarında Ankara radiosınnan yasala. Hatay mäs’äläsenä bäyle bularaq xäzerlängän bu tapşıruda premyer-ministr İsmät İnönüneň älege mäs’älägä bäyle notığı ğaräpçägä tärcemä itelep tapşırıla.
Bu tapşıru Süriyä, İskändärun Sancağı (idari töbäge) häm tirä-yağında yoğıntılı bulğannan soň, İstanbul radiosı aşa “Ğaräpçä Xavadislar” iseme astında ğaräpçä xäbärlär tapşırıla baş-lana. Hatay mäs’äläse çişeleş tapqannan soň daimi bulmağan bu tapşırular tuqtatıla.
Törkiyä radiolarında daimi bularaq xalıqara tapşırular xezmäte 1938 yılnıñ 28 üktäbr könne 20 kW'lıq tapşırğıç belän törekçä, inglizçä, fransuzça häm almança cämğise dürt teldä başqarıla başlana.
İkençe Bötendönya Suğışı waqıtında ”Qıska Dulqın Ankara Radiosı” tarafsız, obyektiv tapşıruları belän dönya radioları arasında cämäğätçelekneñ iğtibarın cälep itä.
1943 nçe-1949 nçı yıllar aralığında Amerika, Könbatış Awrupa, Yıraq Könçığış häm Awstraliyada tapşırularnı ireşterü mömkinlege tua.
Xalıqara tapşırularda möhim ber çor da 1949-1958 yıllarnı üz eçenä ala. Bu däwerdä Törkiyä NATO-ğa kerä, Koreya suğışında qatnaşa, Könbatış dönyası belän mönäsäbätläre üseş ala.
Qorılğan könennän başlap “Qıska Dulqın Ankara Radiosı” digän isem astında alıp barılğan xalıqara tapşırular 1963 yılnıň ğinwar ayınnan başlap “Törkiyä Awazı” digän isem belän tapşırıla başlıy.
“Törkiyä awazı” radiosı 1964 nçe yılnıñ 1 mayında Törkiyä radiotelekompaniyäseneñ tözelüe belän bergä TRT qarşında tapşıruların alıp bara başlıy.
 

“TÖRKİYÄ AWAZI”

Xäzerge waqıtta Törkiyä radiotelekompaniyäneñ çit illärgä yünälgän radiotapşıruları “Törkiyä awazı” tarafınnan başqarıla.
Xalıqara tapşırular departamentı cawaplılığındağı “Törkiyä awazı” (VOT) här kön törekçä, almança, ğaräpçä, albança, azärbaycança, bosniyä telendä, bolğarça, qıtayça, daricä, farsıça, fransuzça, görceçä (gruzinça), xorvatça, inglizçä, ispança, italiança, qazaqça, qırğızça, macarça (vengr telendä), makedonça, üzbäkçä, päştuça, rumınça, urısça, serbça, tatarça, törekmänçä, urduça häm grekça cämğise 29 teldä tapşırular alıp bara.
“Törkiyä awazı” tapşıruları qısqa dulqın tapşırğıçları, iyärçen häm internet aşa böten dönyağa barıp ireşä. “Törkiyä awazı”, cirle FM kanalları aşa üz çeltären qamilläşterep, tıñlawçılarına tağın da yaqınayu häm tapşırularında cirle eçtälekne arttıru öçen tırışlıq sarıf itä.
Tarafsız, ışanıçlı häm tiz xäbärçelekne nigez itep qabul itkän “Törkiyä awazı” här törkemnän, här yäştäge tıñlawçığa möräcäğät itüçe tösle häm qızıqlı tapşıruları belän radio eşçänlegen qamilläşterä, dönyanıñ iñ ışanıçlı mäğlümat çığanağı bularaq urının nığıta.
Xäbärläre häm xäbär tapşıruları belän mädäniyät-sänğät häm muzıka tapşıruları östenlekle bularaq urın alğan tapşırularda Törkiyä häm törek keşese häryaqlap tanıtıla. Törkiyäneñ regional’, töbäk xezmättäşlegen alğa çığaruçı, kürşeläre belän yaxşı mönäsäbätlärne üsterügä qarağan säyäsäte belän ahäñle bularaq tapşırularında tınıçlıq häm mädäniyät xezmättäşlege temaların alğı planğa çığara.


TRT “Törkiyä awazı” xaqında tağın da kübräk mäğlümat öçen: http://trt.net.tr/International/VOTAnaSayfa.aspx