Ministri rus i mbrojtjes vazhdon kontaktet në Turqi

Ministri i Mbrojtjes së Federatës së Rusisë, Sergey Shoygu ndodhet në Turqi për një vizitë zyrtare.

Ministri rus i mbrojtjes vazhdon kontaktet në Turqi

Në ambientet e Ministrisë së Mbrojtjes, Shoygu u prit me ceremoni ushtarake, ku u ekzekutuan nga banda muzikore himnet kombëtare të të dy vendeve. Pastaj Shoygu përshëndeti togën e nderit duke thënë “Merhaba asker!”.

Pas nënshkrimit të librit të posaçëm të Ministrisë ministri mysafir zhvilloi një takim kokë më kokë me homologun e tij turk, Akar. Në këtë takim mori pjesë edhe kreu i Shërbimit Informativ Kombëtar të Turqisë (MIT), Hakan Fidan.

Në takim në përgjithësi u fol për zhvillimet e fundit në rajon, në prag të samitit të 4-ët që do të mbahet më 14 shkurt në Soçi me pjesëmarrjen e Kryetarit të Shtetit të Rusisë Vladimir Putin, Presidentit Rexhep Tajip Erdoan (Recep Tayyip Erdoğan) dhe Presidentit të Iranit Hasan Ruhani, ndërsa një vend të veçantë zunë situata e fundit dhe zhvillimet në terren në Siri, me theks të veçantë ato në provincën e Idlibit.



Lajme të ngjashme