Turqia dënon vendimin e Amerikës për njohjen e Jerusalemit si kryeqytet të Izraelit

Ministria e Punëve të Jashtme ka dënuar dhe pritur me shqetësim të madh deklaratën e papërgjegjshme të qeverisë amerikane që "njeh Jerusalemin si kryeqytet të Izraelit dhe se ambasadën e saj nga Tel Avivi do ta zhvendosë në Jerusale

Turqia dënon vendimin e Amerikës për njohjen e Jerusalemit si kryeqytet të Izraelit

Ministria e Punëve të Jashtme ka dënuar dhe pritur me shqetësim të madh deklaratën e papërgjegjshme të qeverisë amerikane që "njeh Jerusalemin si kryeqytet të Izraelit dhe se ambasadën e saj nga Tel Avivi do ta zhvendosë në Jerusalem".

"I bëjmë thirrje qeverisë amerikane që të rishikojë këtë vendim të gabuar i cili do të shkaktojë rezultate jashtëzakonisht negative si dhe të distancohet nga hapat e pallogaritura që do të sjellin dëmtime për identitetin multikulturor dhe statusin historik të Jerusalemit", thuhet në deklaratën e MPJ së Turqisë.

Në deklaratën me shkrim nga ministria më tej thuhet se "E dënojmë dhe e kemi pritur me shqetësim të madh deklaratën e papërgjegjshme të qeverisë amerikane ku njeh Jerusalemin si kryeqytet të Izraelit dhe se ambasadën e saj në Izrael do ta zhvendosë në Jerusalem. Ky vendim është një shkelje e hapur e ligjit ndërkombëtar dhe vendimeve të Kombeve të Bashkuara (OKB). Sepse aneksimi i Jerusalemit nga Izraeli është i papranueshëm nga komuniteti ndërkombëtar dhe OKB".

"Fitimi i pavarësinë së Palestinës është një detyrim historik, i ndërgjegjes dhe njerëzor. Turqia do të vazhdojë të jetë mbrojtëse e kësaj. Vendimi në fjalë i cili do të ketë reflektime negative nga pikëpamja e paqes dhe stabilitetit në rajon, bart rrezikun për të eliminuar tërësisht bazën e paqes", thuhet në deklaratë.

 

Ndër të tjera në deklaratë bëhet e ditur se në kuadër të zhvillimeve për Jerusalemin presidenti i Turqisë, Recep Tayyip Erdoğan ka bërë thirrje edhe në cilësinë e kryesuesit aktual të Organizatës për Bashkëpunim Islam (OBI), se kjo çështje do të diskutohet gjerësisht në Samitin e Liderëve të OBI-it dhe në takimin e jashtëzakonshëm të Këshillit të Ministrave të Jashtëm. (AA) 

 



Lajme të ngjashme