Juncker kërkon heqjen e ndryshimit të orës

Presidenti i Komisionit Evropian, Jean-Claude Juncker deklaroi se dëshiron të heqë praktikën e ndryshimit të orës e cila bëhet dy herë në vit në Bashkimin Evropian, gjatë verës dhe dimrit.

Juncker kërkon heqjen e ndryshimit të orës

Juncker në një deklaratë për televizionin gjerman ZDF vuri në dukje se për një kohë të gjatë vazhdojnë diskutimet për kohën e kursimeve të ditës, ku rikujtoi se për këtë çështje është bërë një sondazh në BE.

Ai tha se në përgjigjet e dhëna është kërkuar që të kalohet vazhdimisht në praktikën e kohës së verës. “Dhe kështu do të bëhet”, tha ai.

 “Njerëzit e duan këtë dhe ne do ta bëjmë” tha Ai.

Ai po ashtu shtoi se pas KE-ë edhe vendet anëtare dhe Parlamenti Evropian duhet të marrin vendim për këtë çështje.

Sipas një rregulloreje të vitit 1981 në 28 shtete të BE-së çdo vit të dielën e fundit të muajit mars akrepat e orëve lëvizin një orë përpara ndërsa të dielën e fundit të muajit tetor kthehen një orë prapa. (AA)



Lajme të ngjashme