Michelangelo Buonarroti ishte mëngjarash, ushtronte të djathtën për shkak të paragjykimeve

Mikelanxhelo, ndonëse ishte praktikuar që i ri që të pikturonte me dorën e djathtë, vazhdonte të përdorte të majtën në veprimet që kërkojnë forcë si skulptura apo goditjet me daltë, sipas një studimi të publikuar në revistën “Clinical Anatomy”...

Michelangelo Buonarroti ishte mëngjarash, ushtronte të djathtën për shkak të paragjykimeve

Michelangelo Buonarroti, ndonëse ishte praktikuar që i ri që të pikturonte me dorën e djathtë, vazhdonte të përdorte të majtën në veprimet që kërkojnë forcë si skulptura apo goditjet me daltë, sipas një studimi të publikuar në revistën “Clinical Anatomy” nga eksperti i mjekësisë në art, Davide Lazzeri, që ka krahasuar linjat në veprat e Michelangelos me zbulimin e fundit të artritit që kishte në duar dhe me një autoportret të gjendur në pikturën e “Vittoria Colonna”, ku vihet re artisti që pikturon me dorën e djathtë.

Këto të dhëna të reja konfirmojnë atë që thuhet në biografinë e një prej asistentëve të Michelangelos, Raffaello da Montelupo, ku tregon se si mjeshtri rilindas ishte mëngjarash dhe përpiqej gjithnjë të përdorte dorën e djathtë, përveç se në veprimet që kërkonin forcë.

Provat dalin nga analiza e linjave të pikturave dhe nga studimi i vitit 2016, ku përshkruhet artirti që kishte prekur dorën e Michelangelos, në veçanti dorën e majtë, sikurse vihet re nga pikturat, që e përdorte në punët që kërkojnë forcë si skulptura apo goditjet me daltë.

Një tjetër element i rëndësishëm është që Michelangelo në moshë të hershme gdhend një kryq për abacinë e “Santo Spirito”, firma e të cilit është shkruar nga e djathta në të majtë, kjo ka ndodhur me shumë mundësi sepse në atë kohë ai ishte shumë më i aftë me dorën e majtë në pikturë.

Por fshehja e vazhdueshme e këtij elementi ka ardhur për shkak të paragjykimeve të asaj kohe që preknin mëngjarashët.

“Me siguri këto mendime ishin edhe më të forta për artistët që punonin pranë klerit”, përfundon Lazzeri. /ATSH



Lajme të ngjashme