TRT TV

Televizion


TRT, e cila jep Turqisë dhe botës lajme të sakta dhe asnjanëse në një mjedis mediatik, ku gjenden një numër i madh kanalesh televizive kombëtare dhe rajonale, me transmetimet e saj edukative, kulturore, dokumentarët, dramat, rubrikat sportive, programet muzikore dhe argëtuese, duke arritur të mbulojë deri 99% të Anadollit dhe shtrihet përtej kufijve, ofron shërbime për teleshikuesit e çdo grup-moshe.

Transmetimet e TRT-së, kanë për qëllim të japin lajme të sakta, të paanshme, të kuptueshme dhe në çast për teleshikuesit e moshave, profesioneve, me nivel arsimor e kulturor të ndryshëm, të kontribuojnë në zhvillimin e tyre edukativ dhe kulturor, të edukojnë ndërsa i argëtojnë ata dhe të sigurojnë integrimin e kulturës kombëtare në formën më të përhapur.

TRT-1 Është kanal familjar. TRT-1 është kanali televiziv më i ndjekur në Turqi në formatin e një ekrani familjar. Me transmetimet e tij, ku përfshihen programet edukative, kulturore, teatrale, muzikore, argëtuese, sportive dhe informative i adresohet të gjithë Turqisë. Me hapësirën që mbulon prej 99,9%, TRT-1 ndiqet në çdo vend të Turqisë dhe në të gjithë botën nëpërmjet internetit.

TRT-WORLD Një kanal informativ që të gjithë transmetimin e bën në anglisht drejtuar botës. TRT WORLD i vazhdon transmetimet me një konceptim për të dhënë lajme të guximshme dhe që kanë në fokus njeriun.  

TRT-HABER Është frymëmarrja e re e lajmeve aktuale, politikës, analizës, debatit, sportit, dokumentarit, kulturës dhe artit. TRT HABER vjen në ekranet tuaja me përvojën e TRT-së. TRT HABER sjell në ekranet tuaja të gjitha ngjyrat e jetës. Edhe ju përdorni të drejtën për të marrë lajmin e saktë. TRT HABER, ekrani i lajmeve ndodhet kudo...

TRT SPOR Kanali televiziv TRT SPOR, i cili transmetimet i ka filluar në gusht 2010, ndërkohë që përcjell në ekran drejtpërsëdrejti, ose me ritransmetim të gjitha organizimet sportive kombëtare dhe ndërkombëtare, u kushton një rëndësi të veçantë të gjitha kategorive sportive.

TRT-AVAZ Ky kanal, që transmetimet i ka filluar në mars 2009 për turqit që jetojnë në një hapësirë gjeografike që shtrihet nga Lindja e Largët deri në Ballkan, nga 8 vende të ndryshme, Shqipëria, Uzbekistani, Kazakistani, Kirgizia, Turkmenistani, Azerbajxhani, Bosnjë-Hercegovina dhe Turqia, në 8 gjuhët e këtyre vendeve në fjalë, krijon unitet gjuhësor dhe mendimi ndërmjet Turqisë dhe republikave të tjera turke. AVAZ, që si kuptim në shumë dialekte të turqishtes do të thotë ZË, dhe duke qenë se është zëri i përbashkët i Republikave Turke, i drejtohet një hapësire gjeografike që shtrihet nga Lindja e Mesme deri në Kaukaz me rreth 250 milionë banorë që jetojnë në 27 vende dhe 13 republika autonome.  

TRT-ÇOCUK Është kanali televiziv, që u përgjigjet të gjitha nevojave të fëmijëve turq të kohës së sotme, duke filluar nga animacioni e deri tek muzika, nga lajmet tek sporti dhe që ka për qëllim të kontribuojë në rritjen e brezave të shëndetshëm nga pikëpamja fizike, mendore, shpirtërore dhe morale. I nisur nga koncepti për të bërë një transmetim cilësor, bashkëkohor dhe të përgjegjshëm sipas normave pedagogjike universale, TRT Çocuk ka si parim të luajë një rol mbështetës dhe udhërrëfyes në zhvillimin e fëmijëve dhe për qëllim ka të prezantojë në një mënyrë të saktë dhe të drejtë gjuhën dhe kulturën turke.

TRT-BELGESEL Si një kanal që Turqinë ia prezanton botës në pesë gjuhë të huaja, përkatësisht në anglisht, gjermanisht, frëngjisht, rusisht dhe turqisht, TRT Belgesel transmeton programe dokumentare në fushën e historisë, sociologjisë, natyrës, ambientit, sportit, kulturës dhe artit, shkencës dhe teknologjisë. Ky kanal, që të shkuarën ia përcjell të ardhmes dhe ndjek gjurmët e natyrës, i ka nisur transmetimet më 17 tetor 2009.

TRT-MÜZİK Në këtë kanal, që gërsheton muzikën turke me atë botërore, transmetohen konkurse dhe dokumentarë muzikorë, koncerte, programe muzikore për gjeneratat, Top 10-shet dhe programe direkte. Transmetimet i filloi më 16 nëntor 2009. Nëpërmjet transmetimeve me muzikë të huaj dhe vendase, ku vendin kryesor e zënë programet me Muzikë Popullore Turke dhe Muzikë Klasike Turke, sjell në ekran me nuancën e TRT-së muzikën e Turqisë dhe atë botërore.

TRT-EL ARABIA Kanali televiziv TRT-El Arabia e ka nisur rrugën për të kontribuuar pozitivisht në marrëdhëniet ndërkombëtare të Turqisë dhe veçanërisht ato me vendet e rajonit, si dhe për t’u bërë gjuha, ekrani dhe ndjenja e përbashkët e Turqisë dhe botës arabe, i filloi transmetimet e tij në prill 2010 me një përmbajtje të pasur, ku dallojnë programet për fëmijë, rininë, gruan, shëndetin, ekonominë, dokumentarët, dramat, programet sportive, muzikore, informative, artistike dhe kulturore, fetare-morale dhe programet zbavitëse për teleshikuesit e të gjitha grupmoshave. Ky kanal, që bën transmetime për 22 vendet arabe dhe arabishtfolësit, synon të përforcojë lidhjet ndërmjet Turqisë dhe vendeve arabe me një popullsi rreth 350 milionë banorë.

TRT-DİYANET I themeluar në vitin 2012 nga TRT dhe Departamenti i Çështjeve Fetare, Diyanet TV për një periudhë transmetimet i ka realizuar duke i kombinuar me ato të kanalit TRT Anadolu, dhe në muajin e Ramazanit të vitit 2012 kaloi në transmetim të rregullt 24 orë. Eshtë një kanal me përmbajtje kulturore.

TRT-TÜRK Ky kanal, që kryesisht transmetimet i bën në gjuhën turke drejtuar botës së jashtme, me programet që prezantojnë Turqinë dhe popullin turk dhe me transmetimet informative, kulturore e artistike, është bërë lidhja e pashkëputshme e qytetarëve dhe bashkëkombësve turq që jetojnë jashtë shtetit me Turqinë dhe kulturën turke, burim përkrahjeje për problemet e tyre, i gjithëgjendur në gëzime dhe hidhërime... Ky kanal është përherë pranë jush kudo që ndodheni nëpër botë.

TRT-KURDΠMe kanalin e saj televiziv, që bën transmetim ndërkombëtar në gjuhën kurde, TRT-ja kontribuon pozitivisht në marrëdhëniet ndërkombëtare të Turqisë dhe sidomos në ato me vendet fqinje. TRT-Kurdî, Kanali Televiziv Familjar në Gjuhën Kurde, i cili ka për qëllim unitetin dhe tërësinë e Turqisë dhe që bën transmetime sipas normave bashkëkohore, i drejtohet një teleshikuesi të çdo moshe, i filloi transmetimet në janar 2009.

TRT OKUL Në ekranin e TRT Okul, i cili i ka filluar transmetimet me këtë emër në janar 2011, krahas programeve mësimore të përgatitura nga Universiteti “Anadolu” dhe programeve edukative-kulturore, transmetohen edhe programe me përmbajtje edukative e kulturore të përgatitura nga TRT për grupmosha të ndryshme si dhe spote të shkurtra e programe të ndryshme për rininë.

 

TRT 3 Ekranin e këtij kanali e ndajnë me kohëzgjatje të ndryshme kanali TBMM TV, ku përcillen punimet e parlamentit, dhe kanali TRT Spor