TRT Radio

Për ne që ankohemi gjithmonë se zhvillimet shkencore dhe teknologjike hyjnë vonë në vendin tonë, kjo situatë e parë nga ana e transmetimeve radiofonike është tërësisht e kundërta. Shoqëria turke me transmetimet radiofonike u njoh më 6 Maj të vitit 1927, pothuajse në të njëjtën kohë me të gjithë botën. Në datën 1 Maj 1964 me themelimin e TRT-së kjo aventurë fitoi një dinamikë krejt të re.

Sot të gjitha kanalet e radios së TRT-së, me përgjegjësinë e transmetimeve publike, me konceptin e bërjes së transmetimeve asnjanëse dhe parimore, me një turqishte të përdorur drejtë dhe bukur, me brendësinë e lajmeve, informacioneve, njohurive, edukimit, kulturës, muzikës e argëtimeve, u drejtohen të gjitha shtresave të shoqërisë në mbarë vendin.

Radiot TRT të Turqisë janë; Radio-1, Radio-2 (TRT FM), Radio-3, Radio-4, radiot e 5 rajoneve (Antalja, Çukurova, GAP-Dijarbakir, Erzurum, Trabzon), radio TRT NAĞME (TRT Melodia) për të pasionuarit pas Muzikën Klasike Turke, TRT TÜRKÜ për miqtë e muzikës popullore turke, TRT RADYO HABER KANALI (Radio TRT e Lajmeve) dhe kanaleve ndërkombëtare të mbledhura nën emrin Radio “Zëri i Turqisë" të cilat bëjnë transmetime në 32 gjuhë si dhe AVRUPA FM (Evropa FM) janë në një pozitë influencuese të transmetimeve radiofonike në Turqi dhe në botë.

Radio 1, është kanali radiofonik i edukimit, kulturës dhe i lajmeve... Për ata që janë të etur për informacion, kjo radio bën transmetime pa ndërprerje për 24 orë... Me anë të qindra përçuesve stereo ajo bën transmetime në të gjithë Turqinë dhe me anë të satelitit dhe internetit në mbarë botën. Programi i kësaj radioje ka një përmbajtje të larmishme me informacione nga shkenca, arti, letërsia, teatri, sporti, ambienti, ekonomia, e lajme të ndryshme nga jeta e përditshme, pra çdo gjë rreth jetës, lajme të sakta, asnjanëse dhe të shpejta përhapen në çdo anë ku ka radio me anë të Radio 1 TRT që nga viti 1927 e deri në ditët e sotme.

Radio-2 (TRT FM), me stilin dhe cilësinë e TRT-së, çdo ditë është së bashku me ju për 24 orë me transmetimet direkte duke kumbuar plot gëzim. Radioja është pranë jush me këngët më të kërkuara, me toplistat me anë të qindra antenave stereo. Radioja sot mbulon 99,9% të territorit në Turqi, kurse me anë të satelitit dhe internetit radioja mund të dëgjohet në të gjithë botën. Ajo është mikesha e sekreteve tuaja, shoqja dhe bashkudhëtarja juaj besnike... TRT FM është radioja që ju sjell pranë largësinë.

Radio-3, me spektrin e gjerë qëzgjatet nga Elvis Presley tek Joan Baez, nga Frank Sinatra tek Tchaikowsky, nga Moxarti tek Sara Vaughan, jep shembujt më të përzgjedhur të muzikës duke bashkuar muzikën klasike me atë moderne. Me cilësinë e TRT-së ajo bën transmetime në stereo për 24 orë... Kurse me anë të satelitit dhe internetit transmetimet e TRT Radyo-3, përhapen në të gjithë botën. TRT Radyo-3 është emri i cilësisë në muzikë.

Radio-4 Në këtë bahçe gjenden lulet e muzikës tradicionale dhe popullore turke... Këngët me saze, longat, preludet, këngët plot dashuri, gazelet, rustikat, dhe baladat me aromën e Anadollit... Kantautorët dhe mjeshtrit e sazeve, tambureve të së djeshmes dhe të sotmes janë të gjithë në këtë kanal me transmetimet cilësore të TRT-së... Çdo ditë 24 orë së bashku me ju. Kanali mund të ndiqet në mbarë Turqinë dhe me anë të internetit dhe satelitëve në mbarë botën...

Radio TRT 4 është pika ku mbaron malli...

TRT Türkü TRT Türkü transmetimin e ka filluar në 1 korrik 2009 dhe është një kanal radiofonik që u drejtohet miqve të muzikës popullore turke nëpërmjet transmetuesve (antenave) FM, internetit dhe satelitit. TRT Türkü rrugën e transmetimit e ka nisur me mendimin për të rritur interesin dhe dashurinë e dëgjuesit ndaj muzikës popullore turke, bën transmetime 24 orë pa ndërprerje me muzikë të zgjedhur të zhanrit të vet. Ndërkohë që në transmetime u jepet vend melodive të muzikës popullore, të cilat janë një trashëgimi e përbashkët, ky kanal radiofonik kontribuon edhe në ruajtjen dhe përhapjen e kulturës popullore.

TRT Nağme i ka filluar transmetimet në 6 maj 2009 dhe është një kanal që bashkon rreth vetes miqtë e muzikës klasike turke nëpërmjet transmetuesve (antenave) FM, internetit dhe satelitit. Kjo radio transmeton muzikë klasike turke 24 orë pa ndërprerje. Veprat e përzgjedhura nga arkivi i Radio Televizionit Turk dhe regjistrimet e reja përcillen përmes valëve të TRT Nağme me cilësinë e TRT-së.

TRT Radyo HaberRendi i nxehtë i ditës nga Turqia dhe bota, analiza të ngjarjeve e zhvillimeve i gjeni në programin e radios TRT Radyo Haber. TRT Radyo Haber bën transmetime 24 orë. Në këtë kanal radiofonik jepen lajmet e kanaleve televizive TRT-1, TRT Türk dhe TRT Haber në mënyrë alternuar ose drejtpërsëdrejti. Ata që duan të dëgjojnë lajmet në radio me cilësinë e TRT-së takohen me TRT Radyo Haber nëpërmjet transmetuesve FM, internetit dhe satelitit.

Radio Zëri i Turqisë, e ka filluar aktivitetin në valë të shkurtra me Radion e Ankarasë për t'u shndërruar më pas në Radion Zëri i Turqisë....Për më tepër se 70 vjet kjo radio përcjell në tërë botën lajme, sport, kulturë, art e argëtim. Radio Zëri i Turqisë është lidhja e pashkëputur e bashkatdhetarëve dhe të afërmve që jetojnë jashtë shtetit me Turqinë dhe Kulturën turke, këtu ata gjejnë mbështetje për problemet me të cilat përballen, këtu ata ndajnë keqardhjen, dhimbjen, gëzimin e lumturinë. Transmetimi bëhet nëpërmjet valëve të shkurtra, satelitit dhe internetit dhe 24 orë pa shkëputje. Radion Zëri i Turqisë mund ta dëgjoni kudo që të ndodheni në botë.

Radio-6, është një kanal radiofonik që transmeton në gjuhën turke dhe që ka për qëllim të kontribuojë në unitetin dhe integritetin e Turqisë dhe që me botëkuptimin e një vizioni transmetimi modern i drejtohet dëgjuesve të të gjitha moshave. Radio-6 ka filluar transmetimet në 1 maj 2009 dhe e përcjell zërin në Rajonin e Anadollit Juglindor. Ndërkohë që përforcon lidhjen ndërmjet popullit të rajonit dhe shtetit, kjo radio jep kontribute pozitive edhe në marrëdhëniet ndërkombëtare të Turqisë.

TRT AVRUPA FM…NJË ZË TJETËR NGA TURQIA... Në këtë radio dëgjuesit do të gjejnë momentet që i japin buzëqeshje jetës, aventurat e emigracionit, histori suksesi, vlerat e vendit, shembuj nga gjendja “ku ne i ngjajmë njëri-tjetrit" në të katër anët e botës si dhe plot muzikë. Në Radion Evropa FM mund të gjeni muzikë dhe bashkëbisedime për të rinjtë dhe ata që e ndjejnë veten të tillë. TRT Avrupa FM bën transmetime nëpërmjet internetit, satelitit dhe sistemit kabllor çdo ditë brenda javës nga 09.00-18.00 sipas orës lokale në Turqi. Nëse doni të dëgjoni një këngë që ju pëlqen, ose të përshëndesni me të një të dashur, ose nëse doni të ndani ndjenjat dhe mendimet, zëri i gëzueshëm i Turqisë, TRT Evropa FM, gjendet larg jush vetëm me një të klikuar mbi tastierën e komjuterit.